નવી દિલ્હીઃ દેશમાં વધતી બેરોજગારી વિરુદ્ધ યુવા કોંગ્રેસે ભાજપ વિરુદ્ધ ઝુંબેશ શરુ કરી છે. મંગળવારના રોજ યુવા કોંગ્રેસના તરુણ તેવતિયાએ ઝુંબેશ વિશે જાણકારી આપી હતી. તેવતિયાએ કહ્યું કે, જે સમયે દેશમાં ભાજપ સરકાર બની હતી તે સમયે વડાપ્રધાન મોદીએ દર વર્ષે 2 કરોડ રોજગાર આપવાનો વાયદો કર્યો હતો.
સરકાર આજ સુધી આ વાયદાને પૂરો નથી કરી શકી. છેલ્લા પાંચ વર્ષમાં દેશના 7 પ્રમુખ સેક્ટરોથી 3.64 કરોડ લોકોનો રોજગાર છીનવાઈ ગયો છે. યુવા કોંગ્રેસે એનઆરયૂ (નેશનલ બેરોજગારી રજિસ્ટર) બનાવવા માટે ઝુંબેશ શરુ કરી છે.
બેરોજગાર યુવાનો આ રજિસ્ટરમાં પોતાનું નામ નોંધાવવા માટે 8151994411 નંબર પર મિસ કોલ કરી શકે છે. કોંગ્રેસ દ્વારા દેશના દરેક ભાગ મહારાષ્ટ્ર, ગુજરાત, સહિતના તમામ રાજ્યોમાં આ ઝુંબેશ ચલાવવામાં આવી રહી છે.
