અભિનંદનઃ 6 અઠવાડિયામાં બનાવાઈ પહેલી ‘મેડ ઈન ઈન્ડિયા’ કોરોના વાઈરસની ટેસ્ટ કિટ

પુણેઃ આ શહેરની મોલિક્યુલર ડાયગ્નોસિસ કંપની માયલેબ (MyLabs)એ જાગતિક મહામારી ઘોષિત કરાયેલા કોરોના વાઈરસ અથવા COVID-19ના પરીક્ષણ માટે ટેસ્ટ કિટ તૈયાર કરી છે. મોલિક્યુલર ડાયગ્નોસિસ કિટ્સ બનાવવામાં પારંગત એવી માયલેબ કંપનીએ કોરોના વાઈરસના પરીક્ષણ માટે પહેલી મેડ ઈન ઈન્ડિયા (ભારતમાં નિર્મિત) ટેસ્ટ કિટ બનાવી છે.

વધારે ગર્વની વાત એ છે કે કંપનીએ આ કિટ માત્ર છ અઠવાડિયામાં જ બનાવી દીધી છે.

Covid-19 પીસીઆર કિટનું ઉત્પાદન કરવા માટે માયલેબ નામની ભારતીય ખાનગી કંપનીએ કેન્દ્ર સરકાર પાસે આવશ્યક વ્યાવસાયિક પરવાનગી માગી હતી જે એને મળી ગઈ છે. હાલ બજારમાં જે ટેસ્ટ કિટ્સ ઉપલબ્ધ છે એની સરખામણીમાં ભારતીય કંપનીની કિંમત ઓછી છે.

અત્યાધુનિક પદ્ધતિથી બનાવેલી આ કિટને લીધે કોરોના વાઈરસની તપાસ માટેનો સમય ઓછો લાગશે એવો દાવો માયલેબ દ્વારા કરવામાં આવ્યો છે.

આ કિટ બનાવવામાં ભારતીય કંપનીએ વિશ્વ આરોગ્ય સંસ્થા અને CDCની માર્ગદર્શિકાઓનું પાલન કર્યું છે.

માયલેબ ડિસ્કવરી સોલ્યુશન્સના ડાયરેક્ટર હસમુખ રાવલે બિઝનેસ ટુડેને આ જાણકારી આપી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]