નવી દિલ્હીઃ દેશ દુનિયામાં કોરોના સતત ફેલાઈ રહ્યો છે અને ઘણા જાણીતા ચહેરાઓ પણ તેનો શિકાર બની રહ્યા છે. તાજેતરમાં બ્રિટનના પ્રિન્સ ચાર્લ્સ કોરોના પોઝિટિવ જોવા મળ્યા છે. પ્રિન્સ ચાર્લ્સનો રિપોર્ટ પોઝિટિવ આવ્યા બાદ તેની પત્ની કેમિલા પણ આઇસોલેશન થઈ ગયા છે. પ્રિન્સ ચાર્લ્સના કોરોના પોઝિટિવ હોવાના અહેવાલો બાદ તેમની એક તસવીર સોશિયલ મીડિયા પર સતત વાયરલ થઈ રહી છે, જેમાં તે કનિકા કપૂર સાથે ઉભેલા જોવા મળે છે.
કનિકા કપૂર બ્રિટનમાં રહે છે અને તે 2015માં એક ઇવેન્ટ દરમિયાન લંડનમાં પ્રિન્સ ચાર્લ્સને મળી હતી. આ પછી બીજી તસવીર 2018 ની હતી જ્યારે કનિકા કપૂર પ્રિન્સ ચાર્લ્સના ફંક્શનમાં પર્ફોમ કરવા બકિંગહામ પેલેસ પહોંચી હતી. આમાંથી સ્પષ્ટ થઈ ગયું છે કે પ્રિન્સ ચાર્લ્સને કનિકા કપૂર દ્વારા કોરોના ચેપ લાગ્યો નથી અને સોશિયલ મીડિયા પર આ દાવા કરવામાં આવેલા ખોટા છે.
ઉલ્લેખનીય છે કે કનિકા 9 માર્ચે લંડનથી ભારત આવી હતી. જે બાદ તેને કોરોનાથી ચેપ લાગ્યો હતો. કનિકા હાલમાં આઇસોલેશનમાં છે અને તેની સારવાર ચાલી રહી છે. ભારત આવી ગયેલી કનિકા તે દરમિયાન ઘણા લોકોને મળી હતી અને ઘણા લોકો તેના સંપર્કમાં આવ્યા હતા. પ્રશાસન કણિકાના સંપર્કમાં આવેલા તમામ લોકોની તપાસ કરી રહી છે.
