અભિનેત્રી ખુશ્બૂને હવે ભાજપ સુંદર લાગે છે…

ચેન્નઇઃ અભિનેત્રીમાંથી રાજકારણી બનેલી ખુશ્બૂ સુંદરે કોંગ્રેસ પાર્ટીમાં રાજીનામું આપી દીધા પછી તામિલનાડુની ચૂંટણીના કેટલાક મહિના પહેલાં જ ભાજપમાં સામેલ થઈ ગઈ છે. તેમના રાજીનામા પહેલાં કોંગ્રેસે પણ તેમને પાર્ટી પ્રવક્તાપદથી મુક્ત કર્યાની ઘોષણા કરી હતી. કોંગ્રેસપ્રમુખ સોનિયા ગાંધીને લખેલા રાજીનામાના પત્રમાં તેમણે લખ્યું હતું કે તેમને એવા લોકો દ્વારા ધક્કો મારવામાં આવ્યો હતો અને સાઇડલાઇન કરવામાં આવતા હતા, જેમનો વાસ્તવિકતા સાથે કોઈ સંબંધ નહોતો.

કેટલાંક તત્ત્વોને પાર્ટીની અંદર વરિષ્ઠ પદોએ બેસાડવામાં આવ્યાં હતાં, જે લોકો વાસ્તવિકતા સાથે અથવા જાહેર જનતાની વચ્ચે સાથે કોઈ ઓળખ નહોતી. તેઓ તેમની જોહુકમી કાર્યકર્તાઓ પર લાદી રહ્યા હતા અને મારા જેવા લોકો જે નિષ્ઠાથી પાર્ટી માટે સારું કામ કરવા ઇચ્છતા હતા, તેમને તેઓ સાઇડલાઇન કરી રહ્યા હતા, એમ ખુશ્બૂએ લખ્યું હતું.

એક લાંબા મનોમંથન પછી પાર્ટી સાથે મેં પાર્ટીમાંથી નીકળી જવાનો નિર્ણય લીધો હતો. આ પત્ર પહેલાં તેમને કોંગ્રેસે પ્રવક્તાપદથી દૂર કર્યા હતા. પાર્ટીએ કહ્યું હતું કે તેમના બહાર જવાથી પાર્ટીને તામિલનાડુમાં રતીભારે નુકસાન નહીં થાય.

ખુશ્બૂ સુંદરે ભાજપમાં સામેલ થયા પછી સંવાદદાતાઓને કહ્યું હતું કે જો રાષ્ટ્રને આગળ વધારવું હશે તો આપણા વડા પ્રધાન નરેન્દ્ર મોદી જેવી કોઈ વ્યક્તિ જ દેશને યોગ્ય દિશામાં લઈ જઈ શકશે. ભાજપ માટે ખુશ્બૂ સુંદર દક્ષિણી રાજ્યોમાં એક મોટું હુમનું પત્તું છે. તેઓ 2014થી આશરે છ વર્ષ સુધી કોંગ્રેસ પક્ષમાં રહ્યાં હતાં. જોકે તે ટીવી ડિબેટમાં કોંગ્રેસ માટે પાર્ટીનો પક્ષ રાખનારાં મહિલા હતાં, પણ 2014 પછી પાર્ટી સત્તામાંથી દૂર થયા પછી સુંદરની રાજકીય કેરિયરમાં સ્થિરતા આવી ગઈ હતી. તેઓ 2010માં રાજકારણમાં જોડાયા પછી તેમની પહેલી પાર્ટી દ્વવિડ મુનેત્ર કઝઘમ (DMK) હતી.

 

 

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]