નવી દિલ્હી: વોટ્સએપ તેના યુઝરની સિક્યોરિટી અને પ્રાઈવેસી માટે ઘણાં ફીચર ઓફર કરે છે. કંપનીનો હમેશાં પ્રયાસ હોય છે કે તે યુઝર્સના વોટ્સએપ એકાઉન્ટને હેકર્સથી સુરક્ષિત રાખે. Pegasus સ્પાયવેરથી જોડાયેલ કિસ્સાઓ સામે આવ્યા બાદ વોટ્સએપ એકાઉન્ટને સુરક્ષિત રાખવું જરૂરી બની ગયુ છે.
પેગાસસ એ જ સ્પાયવેર જેણે ગયા વર્ષે 120 ભારતીયોના ફોનને હેક કરી લીધા હતા. એટલું જ નહીં એમેઝોનના માલિક જેફ બેઝોસના ફોનને હેક કરવા માટે પણ તેનો જ ઉપયોગ કરવામાં આવ્યો હતો. જેથી તમારા વોટ્સએપને સેફ રાખવા માટે અમે તમને વોટ્સએપ પર ટૂ-સ્ટેપ વેરિફિકેશન ફીચર વિશે જણાવવા જઈ રહ્યાં છીએ. આને એક્ટિવ કરીને તમે વોટ્સએપ ડેટાની સિક્યોરિટીને વધુ સારી બનાવી શકો છો. આ ફીચર એક્ટિવેટ થવા પર ફોન રિસેટ કે સિમકાર્ડ ચેન્જ કરતી વખતે વોટ્સએપ એકાઉન્ટમાં લોગઈન કરવા માટે 6 આંકડાવાળો એક પિનકોડની જરૂર પડે છે. અહીં અમે તમને તમારા વોટ્સએપને હેકર્સથી બચાવવા માટે ટૂ-સ્ટેપ વેરિફિકેશન ફીચર અંગે માહિતી આપવા જઈ રહ્યા છીએ.
કેવી રીતે એક્ટિવેટ કરશો ટૂ-સ્ટેપ વેરિફિકેશન
ટૂ-સ્ટેપ વેરિફિકેશનને એક્ટિવેટ કરવા માટે વોટ્સએપ ઓપન કરીને સેટિંગમાં જવાનું રહેશે. અહીં એકાઉન્ટ સેક્શનમાં તમને ટૂ-સ્ટેપ વેરિફિકેશનનો ઓપ્શન મળશે જેને સેટિંગમાં જઈને ઈનેબલ કરી દો. આટલુ કર્યા બાદ તમારે 6 આંકડાનો પિન દાખલ કરવો પડશે.
પિન કન્ફર્મ કર્યા બાદ વોટ્સએપ તમને એક ઈમેલ એડ્રેસ એડ કરવાનું કહેશે. આ ઈમેલ એડ્રેસનો ઉપયોગ તમે પિન ભૂલાઈ જવા પર તેને રિસેટ કરવા માટે કરી શકો છો. ધ્યાન રાખવું કે, ઈમેલ એડ્રેસમાં તમારાથી કોઈ ભૂલ ન થાય, કારણ કે પછી વોટ્સએપ તેને વેરિફાઈ નહીં કરી શકે. ઈમેલ એડ્રેસ આપવું કે ન આપવું તમારી પર નિર્ભર કરે છે. તમે ઈચ્છો તો આ સ્ટેપ છોડી પણ શકો છો.
ફિંગરપ્રિન્ટ લોક
ગયા વર્ષે વોટ્સએપે ફિંગરપ્રિન્ટ ફીચર લોન્ચ કર્યું હતું. આ ફીચરની મદદથી તમે તમારા વોટ્સએપ એકાઉન્ટને તમારી આંગળીના ટેરવે સુરક્ષિત રાખી શકો છો. આ ફીચરને ઈનેબલ કરવા માટે વોટ્સએપ સેટિંગમાં એકાઉન્ટ ઓપ્શનમાં જવાનું રહેશે અને ત્યાં પ્રાઈવેસી ઓપ્શન પર ક્લિક કરીને સૌથી છેલ્લે ફિંગરપ્રિન્ટ લોકનો ઓપ્શન દેખાશે, તેને ઓન(શરુ) કરવાથી આ ફીચર એક્ટિવેટ થઈ જશે.
