નવી દિલ્હીઃ દેશ આજે હોળી-ધુળેટીના રંગમાં ડૂબેલો છે. લોકો એકમેકને રંગ-ગુલાલ લગાવીને હોળીની શુભકામનાઓ આપી રહ્યા છે. આ અવસરે રાષ્ટ્રપતિ દ્રોપદી મુર્મુ, વડા પ્રધાન મોદીથી માંડીને કોંગ્રેસ નેતા રાહુલ ગાંધીએ હોળીની શુભેચ્છાઓ આપી હતી. જોકે અરવિંદ કેજરીવાલે મનીષ સિસોદિયા અને સત્યેન્દ્ર જૈનની ધરપકડના વિરોધમાં હોળી ના ઊજવવાનો નિર્ણય કર્યો છે.
રાષ્ટ્રપતિ દ્રોપદી મુર્મુએ ટ્વીટ કરીને કહ્યું હતું કે ઉલ્લાસ અને ઉમંગના પર્વ હોળીની બધા દેશવાસીઓને હાર્દિક શુભકામનાઓ.
વડા પ્રધાન મોદીએ ટ્વીટ કરીને કહ્યું હતું કે હોળીની બહુ-બહુ શુભકામનાઓ. તમારા બધાના જીવનમાં હંમેશાં આનંદ અને ઉમંગનો રંગ વરસે.
કોંગ્રેસ નેતા રાહુલ ગાંધીએ ટ્વીટ કરીને હોળીની શુભેચ્છાઓ આપી હતી. તેમણે ટ્વીટમાં કહ્યું હતું કે હોળીનો તહેવાર બધાના જીવનમાં નવા રંગ ભરે. દેશમાં એકતાનો રંગ ચઢે. બધાને હોળીની શુભકામનાઓ.
દિલ્હીના CM અરવિંદ કેજરીવાલ રાજઘાટ પર મહાત્મા ગાંધીને શ્રદ્ધાંજલિ આપવા પહોંચ્યા હતા. તેમણે પાર્ટીના નેતા સત્યેન્દ્ર જૈન અને મનીષ સિસોદિયાની ધરપકડના વિરોધમાં હોળી ના ઊજવવાનો નિર્ણય કર્યો હતો. તેઓ સવારે 10 કલાકથી સાંજે પાંચ કલાક સુધી ધ્યાન કરી રહ્યા છે.
ગૃહપ્રધાન અમિત શાહે પણ ટ્વીટ કરીને હોળીની શુભેચ્છા આપી હતી.
