પેરિસથી દિલ્હી આવી રહેલી એર ઈન્ડિયાની ઈન્ટરનેશનલ ફ્લાઈટના પાઈલટે તેને જયપુરમાં મુકીને જતો રહ્યો હતો. પાયલોટે કહ્યું કે તેની ડ્યૂટી પૂરી થઈ ગઈ છે. ફ્લાઇટમાં સવાર 180થી વધુ મુસાફરો જયપુર એરપોર્ટ પર 9 કલાક સુધી પરેશાન રહ્યા હતા. આ પછી તેમને રોડ માર્ગે દિલ્હી મોકલવામાં આવ્યા હતા. પ્રાપ્ત માહિતી પ્રમાણે એર ઈન્ડિયાની ફ્લાઈટ AI-2022 રવિવારે રાત્રે 10 વાગ્યે પેરિસથી દિલ્હી માટે રવાના થઈ હતી. સોમવારે સવારે 10.35 વાગ્યે દિલ્હી પહોંચવાનું હતું. ખરાબ હવામાનને કારણે ફ્લાઈટ દિલ્હીમાં લેન્ડ થઈ શકી ન હતી.
એર ટ્રાફિક કંટ્રોલ સિસ્ટમની સૂચના પર, પાઇલટે 12:10 વાગ્યે જયપુર એરપોર્ટ પર ફ્લાઇટને લેન્ડ કરી. પાઇલોટ્સ એર ટ્રાફિક કંટ્રોલ સિસ્ટમથી ફ્લાઇટ માટે ક્લિયરન્સની રાહ જોતા હતા. બપોર સુધી મંજુરી મળી ન હતી. પાયલોટે ડ્યુટી ટાઈમ પૂરો થવાનું કારણ આપી પ્લેન છોડી દીધું હતું. જેના કારણે ફ્લાઇટમાં હાજર 180થી વધુ મુસાફરો રાત્રે 9 વાગ્યા સુધી જયપુર એરપોર્ટ પર પરેશાન રહ્યા હતા. અત્રે ઉલ્લેખનીય છે કે વિલંબના કારણે મુસાફરોએ હોબાળો મચાવ્યો હતો. તેઓ બીજી ફ્લાઇટની વ્યવસ્થા કરવાની માંગ કરી રહ્યા હતા. એરલાઈન્સે તેની માંગ સ્વીકારી નહીં, તેના બદલે તેમને બસથી દિલ્હી મોકલવાનો વિકલ્પ આપ્યો. તેમને ભોજન પૂરું પાડ્યું. બાદમાં કેટલાક મુસાફરો એરલાઇન્સની બસો દ્વારા અને કેટલાક ખાનગી વાહનો દ્વારા દિલ્હી જવા રવાના થયા હતા.
સોમવારે ખરાબ હવામાનના કારણે 15 ફ્લાઈટને દિલ્હીથી જયપુર એરપોર્ટ તરફ ડાયવર્ટ કરવામાં આવી હતી. તેમાં ઈન્દોર, બેંગલુરુ, પુણે, અમદાવાદ, મુંબઈ, વોશિંગ્ટન, ધર્મશાલા, પેરિસ અને વિજયવાડા જેવા શહેરોની ફ્લાઈટ્સનો સમાવેશ થાય છે. જો કે, આમાંની મોટાભાગની ફ્લાઇટ્સ એર ટ્રાફિક કંટ્રોલ સિસ્ટમથી ક્લિયરન્સ મળ્યા પછી થોડા કલાકોમાં જ દિલ્હી માટે રવાના થઈ ગઈ હતી. પેરિસથી ફ્લાઈટને લાંબા સમય સુધી ક્લિયરન્સ મળી શક્યું ન હતું. જેના કારણે જયપુર એરપોર્ટ પર 180થી વધુ મુસાફરોને મુશ્કેલીનો સામનો કરવો પડ્યો.
