મહારાષ્ટ્રમાં 12મા ધોરણની બોર્ડ પરીક્ષામાં 90.66% વિદ્યાર્થીઓ પાસ થયા

મુંબઈઃ મહારાષ્ટ્ર રાજ્ય શિક્ષણ બોર્ડ દ્વારા 12મા ધોરણ (HSC)ની લેવામાં આવેલી પરીક્ષાનું પરિણામ આજે ઓનલાઈન જાહેર થઈ ગયું છે અને તે 90.66 ટકા આવ્યું છે. કોંકણ વિભાગે ફરી બાજી મારી છે. મુંબઈમાં 89.35 ટકા વિદ્યાર્થીઓ પાસ થયા છે. આ વર્ષે 12મા ધોરણની પરીક્ષા 14 લાખથી વધારે વિદ્યાર્થીઓએ આપી હતી. એમાંથી 12,81,712 વિદ્યાર્થીઓ પાસ થયા છે.

મહારાષ્ટ્રમાં 12મા ધોરણની પરીક્ષાનું પરિણામ ક્યારે આવશે એની વિદ્યાર્થીઓ તથા એમનાં વાલીઓ આતુરતાપૂર્વક રાહ જોઈ રહ્યા હતા. આખરે આજે તે આતુરતાનો અંત આવી ગયો. આજે બપોરે 1 વાગ્યે mahresult.nic.in વેબસાઈટ પર પરિણામ જાહેર કરવામાં આવ્યું હતું.

રાજ્યમાં 9 વિભાગોએ લીધેલી 12મા ધોરણની બોર્ડ પરીક્ષાનું પરિણામ આજે જાહેર કરાયું છે.

કોંકણ વિભાગે સૌથી વધુ – 95.89 ટકા સાથે બાજી મારી છે. જ્યારે સૌથી ઓછું પરિણામ ઔરંગાબાદ વિભાગનું આવ્યું છે – 88.18 ટકા.

આ વર્ષની પરીક્ષામાં પણ વિદ્યાર્થિનીઓ વધારે સંખ્યામાં પાસ થઈ છે. 93.88 ટકા વિદ્યાર્થિનીઓ 12મા ધોરણમાં પાસ થઈને ડિગ્રી કોલેજમાં પ્રવેશી છે જ્યારે વિદ્યાર્થીઓની પાસ ટકાવારી 88.04 ટકા છે.

વિભાગ અનુસાર પરિણામઃ

કોંકણ – 95.89 ટકા

પુણે – 92.50 ટકા

કોલ્હાપુર – 92..42 ટકા

અમરાવતી – 92.09 ટકા

નાગપૂર – 91.65 ટકા

લાતૂર – 89.79 ટકા

મુંબઈ – 89.35 ટકા

નાશિક – 88.87 ટકા

ઔરંગાબાદ – 88.18 ટકા

શાખા અનુસાર પરિણામઃ

વિજ્ઞાન – 96.93 ટકા

વાણિજ્ય – 91.27 ટકા

કળા – 82.63 ટકા

ઉચ્ચ માધ્યમિક વ્યવસાય અભ્યાસક્રમ – 86.07 ટકા

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]