મુંબઈ ઈન્ડિયન્સની ટીમ આઈપીએલમાં ખરાબ શરૂઆત બાદ વાપસી કરવા માટે જાણીતી છે. આ સિઝનમાં પણ કંઈક આવું જ જોવા મળી રહ્યું છે. મુંબઈ, જેણે શરૂઆતની 5 મેચમાં ફક્ત 1 જીત નોંધાવી હતી, તેણે હવે જીતની હેટ્રિક હાંસલ કરી છે. IPL 2025 ની 38મી મેચ મુંબઈના વાનખેડે સ્ટેડિયમ ખાતે મુંબઈ ઈન્ડિયન્સ અને ચેન્નાઈ સુપર કિંગ્સની ટીમો વચ્ચે રમાઈ હતી. આ મેચમાં હાર્દિક પંડ્યાના નેતૃત્વ હેઠળ મુંબઈ ઈન્ડિયન્સે સરળ જીત નોંધાવી અને CSK સામેની હારનો બદલો લીધો.
A perfect way to wrap a dominant victory and seal back-to-back home wins 💙@mipaltan sign off tonight by winning round 2⃣ against their arch rival 🥳
Scorecard ▶ https://t.co/v2k7Y5tg2Q#TATAIPL | #MIvCSK pic.twitter.com/u2BDXfHpXJ
— IndianPremierLeague (@IPL) April 20, 2025
મુંબઈ ઇન્ડિયન્સની જીતની હેટ્રિક
મુંબઈ ઈન્ડિયન્સે આ સિઝનની પોતાની પહેલી મેચ ચેન્નાઈ સુપર કિંગ્સ સામે રમી હતી, જ્યાં તેઓ 4 વિકેટથી હારી ગયા હતા. પરંતુ તેણે આ મેચ જીતીને સ્કોર બરાબરી કરી. હાર્દિક પંડ્યાએ ટોસ જીતીને પહેલા બોલિંગ કરવાનો નિર્ણય લીધો, જે યોગ્ય સાબિત થયો. હાઈ સ્કોરિંગ પીચ પર પ્રથમ બેટિંગ કરતા ચેન્નાઈ સુપર કિંગ્સની ટીમ 20 ઓવરમાં ફક્ત 176 રન જ બનાવી શકી.
Back to form 🔢
Back making an impact 👊Rohit Sharma wins the Player of the Match award for his match-winning knock 🔥
Scorecard ▶ https://t.co/v2k7Y5tg2Q#TATAIPL | #MIvCSK | @ImRo45 | @mipaltan pic.twitter.com/ZOheqUDHYF
— IndianPremierLeague (@IPL) April 20, 2025
ચેન્નાઈ સુપર કિંગ્સની ટીમ પ્રથમ 11 ઓવરમાં 3 વિકેટ ગુમાવીને માત્ર 73 રન જ બનાવી શકી હતી. આ પછી, રવિન્દ્ર જાડેજા અને શિવમ દુબેએ અડધી સદી ફટકારી અને પોતાની ટીમને આ સ્કોર સુધી પહોંચાડી. શિવમ દુબેએ 32 બોલમાં 50 રન બનાવ્યા. રવિન્દ્ર જાડેજા 35 બોલમાં 53 રન બનાવીને અણનમ રહ્યો. આ ઉપરાંત 17 વર્ષીય આયુષ મ્હાત્રેએ 15 બોલમાં 32 રનની ઇનિંગ રમી હતી. ઓપનર શેખ રશીદે પણ 19 રનનું યોગદાન આપ્યું. બીજી તરફ, મુંબઈ તરફથી જસપ્રીત બુમરાહે સૌથી વધુ 2 વિકેટ લીધી. દીપક ચહર, અશ્વિની કુમાર અને સેન્ટનર પણ એક-એક વિકેટ લેવામાં સફળ રહ્યા.
રોહિત શર્માના બેટથી અડધી સદી આવી
આ મેચમાં રોહિત શર્માએ જોરદાર ઇનિંગ્સ રમી અને પોતાની ટીમ માટે રન ચેઝને એકદમ સરળ બનાવી દીધો. તે આ સિઝનમાં પોતાની પહેલી અડધી સદી ફટકારવામાં સફળ રહ્યો. તેનું ફોર્મમાં વાપસી મુંબઈ માટે સારા સંકેત છે. રોહિત શર્મા ઉપરાંત સૂર્યકુમાર યાદવે પણ અડધી સદીની ઇનિંગ રમી હતી. રોહિતે અણનમ 76 અને સૂર્યાએ અણનમ 68 રન બનાવ્યા, જેના કારણે મુંબઈએ 9 વિકેટે મેચ જીતી લીધી.
