નવી દિલ્હીઃ હાલના સમયે સમગ્ર યુરોપમાં ભારે ગુસ્સો અને હિંસાની સ્થિતિ જોવા મળી રહી છે. તેમાં પણ ફ્રાન્સની સ્થિતિ સૌથી વધુ ખરાબ હોવાનું જણાવવામાં આવી રહ્યું છે. વધતી મોંઘવારી, બેરોજગારી અને શાળાઓની બદતર સ્થિતિ સામે શરૂ થયેલો જનઆક્રોશ ફ્રાન્સની સાથે ઇટાલી, બેલ્જિયમ, સ્પેન અને પોર્ટુગલ જેવા દેશોમાં પણ ફેલાયો છે. બીજી તરફ, અલ્બેનિયામાં પણ પ્રદર્શનકારીઓ સરકાર વિરુદ્ધ ઉગ્ર વિરોધ કરી રહ્યા છે અને વડા પ્રધાનના રાજીનામાની માગ કરી રહ્યા છે.
ALMERIA, SPAIN – JULY 10: Flames and smoke rise from a wildfire as it creeps towards residential buildings near the municipality of El Pocico on July 10, 2026 in Almeria, Spain. Emergency crews continue to battle the wildfire in Spain’s southern province of Almería that has killed at least 11 people, with 19 to 23 others still reported missing. (Photo by Pablo Blazquez Dominguez/Getty Images)ફ્રાન્સમાં આ વિરોધની શરૂઆત સપ્ટેમ્બરના અંતમાં હાઇસ્કૂલના વિદ્યાર્થીઓએ કરી હતી. સરકારી શાળાઓમાં શિક્ષકોની ભારે અછત, જર્જરિત વર્ગખંડો અને કૉલેજમાં પ્રવેશના નિયમોમાં રહેલી ખામીઓ સામે વિદ્યાર્થીઓ રસ્તા પર ઊતર્યા હતા.
ફ્રાન્સમાં 2400થી વધુ લોકોની ધરપકડ
શનિવાર અને રવિવારે સ્થિતિ એટલી બગડી ગઈ કે પેરિસ, માર્સેઇ અને લિમોજ સહિત અનેક મોટાં શહેરોમાં તોફાનીઓએ સેંકડો દુકાનોમાં લૂંટફાટ કરી અને ઇમારતોને આગ ચાંપી દીધી. હદ તો ત્યારે થઈ ગઈ, જ્યારે લિમોજ શહેરના 140 વર્ષથી પણ વધુ જૂના ઐતિહાસિક ટાઉન હોલને આગ લગાડવામાં આવી.
બેકાબૂ બનેલાં રમખાણોને રોકવા માટે પોલીસે મોટા પાયે કાર્યવાહી કરી હતી. માત્ર પેરિસમાં જ 855 લોકોની ધરપકડ કરવામાં આવી, જ્યારે સમગ્ર દેશમાં ધરપકડનો આંકડો 2400ને પાર પહોંચી ગયો છે.
વધતા વિરોધ વચ્ચે ફ્રાન્સની સરકાર શું કરી રહી છે?
ફ્રાન્સના રાષ્ટ્રપતિ ઇમેન્યુઅલ મેક્રોને દેશને સંબોધિત કરીને રસ્તાઓ પર ફેલાયેલી બેકાબૂ હિંસાની આકરી નિંદા કરી હતી. તેમણે સ્પષ્ટ કહ્યું કે પોતાની વાજબી માંગણીઓ રજૂ કરતા સામાન્ય નાગરિકો અને શહેરોમાં આગચંપી કરનારા ગુનેગારોને એકસમાન રીતે જોઈ શકાય નહીં.
આ દરમિયાન ફ્રાન્સના રાજકારણમાં પણ ગરમાવો આવ્યો છે.
સ્પેનમાં 87 વર્ષીય મહિલાના મૃત્યુ બાદ લોકોમાં આક્રોશ
સ્પેનમાં લોકો વધતા ભાડા અને આવાસની અછતથી પરેશાન છે. લોકોનો ગુસ્સો ત્યારે વધુ ભડક્યો, જ્યારે 87 વર્ષીય મારિકાર્મેન અવાસ્કલને એક ઇન્વેસ્ટમેન્ટ ફંડ દ્વારા તેમના ઘરમાંથી બહાર કાઢવામાં આવ્યાં હતાં.
ઇટાલી, પોર્ટુગલ અને બેલ્જિયમમાં લોકો શા માટે રસ્તા પર ઊતર્યા?
ફ્રાન્સની સાથે પોર્ટુગલ, ઇટાલી અને બેલ્જિયમમાં પણ મોંઘવારી, આવાસ સંકટ અને શિક્ષણ સંબંધિત સમસ્યાઓને લઈને લોકોમાં ભારે અસંતોષ જોવા મળી રહ્યો છે.
Adresse aux Français. https://t.co/AuPsZ3iM8l
— Emmanuel Macron (@EmmanuelMacron) October 18, 2026
પોર્ટુગલ
રાજધાની લિસ્બન અને પોર્ટોમાં લોકો આવાસ સંકટ સામે વિરોધ કરી રહ્યા છે. સરકારી આંકડા અનુસાર, 2015થી 2024 દરમિયાન પોર્ટુગલમાં મકાનોની કિંમતોમાં 124 ટકાનો વધારો થયો છે.
ઇટાલી
મિલાનમાં વધતી મોંઘવારી અને બજેટની તંગી સામે શરૂ થયેલી રેલી હિંસક બની ગઈ હતી. કેટલાક નકાબધારી તોફાનીઓએ પોલીસ પર પથ્થરમારો કર્યો અને આગચંપી કરી હતી. ઇટાલીનાં વડાં પ્રધાન જ્યોર્જિયા મેલોનીએ તોફાનીઓ સામે કડક કાર્યવાહી કરવાના નિર્દેશ આપ્યા છે.
બેલ્જિયમ
બ્રસેલ્સ અને લીજ શહેરોમાં વિદ્યાર્થીઓ યુનિવર્સિટીની ઊંચી ફી અને શિક્ષણ વ્યવસ્થામાં સુધારાની માંગ સાથે રસ્તા પર ઊતર્યા હતા. આ દરમિયાન પ્રદર્શનકારીઓ અને પોલીસ વચ્ચે ઘર્ષણ થયું હતું. સ્થિતિને કાબૂમાં લેવા માટે પોલીસે પાણીની બૌછારોનો ઉપયોગ કરવો પડ્યો હતો.
