ઈરાનમાં એક નાની છોકરીને હિજાબ ન પહેરવા બદલ ચહેરા પર સખત માર મારવામાં આવ્યો હતો. છોકરીનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં બાળકીના નાક અને મોંમાંથી લોહી નીકળતું સ્પષ્ટ દેખાઈ રહ્યું છે. તે રસ્તાની બાજુમાં ખૂબ જ ખરાબ રીતે રડી રહી છે.
Disgusting😡: This little Girl in Islamic Republic of Iran was brutally Attacked just bcoz she was not fully covering her hair with Hijab…😡 Bloody Monsters…😡 The little Girl is crying in extreme pain… #Iran #Hijab pic.twitter.com/aUSG5fUjQh
— Jyot Jeet (@activistjyot) February 22, 2023
આ વીડિયોમાં બે મહિલાઓ બાળકને મદદ કરી રહી છે અને તેને શાંત કરવાનો પ્રયાસ કરી રહી છે. ઈરાનની કહેવાતી મોરલ પોલીસે કડક ઈસ્લામિક કાયદાનો અમલ કરતી વખતે જાહેર સ્થળોએ મહિલાઓ માટે હિજાબ પહેરવાનું ફરજિયાત બનાવ્યું છે. ઇસ્લામિક પ્રજાસત્તાકને હચમચાવી નાખેલી અશાંતિના મહિનાઓ વચ્ચે ઇરાનમાં છેલ્લા અઠવાડિયામાં પ્રદર્શનોમાં સર્વાગી વધારો જોવા મળ્યો છે.
આ પ્રદર્શનોના કથિત વીડિયો શુક્રવારે ઓનલાઈન સામે આવ્યા હતા, જેમાં વિરોધીઓ પ્રદર્શન કરતા જોવા મળે છે. વિરોધના આરોપમાં બે લોકોને ફાંસી આપવાના ઈરાનના નિર્ણયના 40 દિવસ પૂરા થવા પર અનેક શહેરોમાં પ્રદર્શનો યોજાયા હતા, જે દેશમાં વધી રહેલી નારાજગી દર્શાવે છે. ગયા વર્ષે 16 સપ્ટેમ્બરે નૈતિકતા પોલીસ દ્વારા 22 વર્ષીય મહસા અમિનીની ધરપકડ પછી શરૂ થયેલ વિરોધ, 1979ની ઇસ્લામિક ક્રાંતિ પછી ઈરાનની ધર્મશાહી સરકાર માટે સૌથી ગંભીર પડકાર બની ગયો છે.
ઈરાનમાં માનવાધિકાર કાર્યકર્તાઓના જૂથે કહ્યું કે, વીડિયોમાં ઈરાનની રાજધાની તેહરાન સહિત ખુઝેસ્તાન પ્રાંતના અરાક, ઈસ્ફહાન, ઈજેહ અને કરજ શહેરોમાં પ્રદર્શનકારીઓ પ્રદર્શન કરતા જોવા મળે છે. એસોસિએટેડ પ્રેસ (એપી) આ વીડિયોને તરત જ ચકાસી શક્યું નથી. આમાંના મોટા ભાગના વીડિયો અસ્પષ્ટ અથવા રાત્રિના સમયના છે.
