આ વ્યક્તિ બની શકે છે કોરિયાનો નવો તાનાશાહ

પ્યોંગયોંગ: ઉત્તર કોરિયાનો તાનાશાહ કિમ જોંગ ઉન 11 એપ્રિલ પછી જાહેરમાં જોવા મળ્યો નથી, જેને પગલે તેમના સ્વાસ્થયને લઈને અટકળો શરુ થઈ છે. અમેરિકન મીડિયા મુજબ તે હાર્ટની એક સર્જરી પછી ગંભીરરૂપથી બીમાર છે. જો કે અમેરિકાના રાષ્ટ્રપતિ ડૉનાલ્ડ ટ્રંપે અને સાઉથ કોરિયા મીડિયાએ કિમ જોંગ ગંભીર રૂપે બીમાર હોવાની વાતને ફગાવી છે. આ બધા વચ્ચે કિમ પછી ઉત્તર કોરિયાની ગાદીના ઉત્તરાધિકારી તરીકે તેમની બહેન કિમ યો જોંગનું નામ ચર્ચામાં છે, પણ હવે એક એવુ નામ સામે આવ્યું છે જેની સામે કિમ યોનું ટકી શકવું મુશ્કેલ છે.

નોર્થ કોરિયાની કમ્યુનિસ્ટ પાર્ટીના સીનિયર લીડર, પોલિટ બ્યૂરો સ્ટેંડિંગ કમેટીના ચીફ અને સેનાના ફાયરિંગ સ્ક્વોડના જનરલ ચો રયોંગ હાય (Choe Ryong Hae) નું નામ હાલ ઉત્તર કોરિયાના નવા તાનાશાહ તરીકે ચર્ચાઇ રહ્યું છે. નોર્થ કોરિયાના આ ક્રૂર સૈનિકનું નામ દુનિયાભરમાં જાણીતું છે. અમેરિકા સમેત યુરોપના અનેક દેશોમાં તેમને માનવતાના અપરાધી જાહેર કરવામાં આવ્યા છે. તેણે કિમ જોંગના કહેવા પર દુશ્મનોને તોપ સામે બાંધીને ઉડાવ્યા છે. ચો ને રશિયન રાષ્ટ્રપતિ વ્લાદિમીર પુતિનના સમર્થક માનવામાં આવે છે.

કિમ જોંગના પરિવારના જ સભ્યો હંમેશા જે ડિપાર્ટમેન્ટમાં સામેલ રહેતા તે ડિપાર્ટમેન્ટમાં ચો રયોંગને વર્ષ 2018માં સામેલ કરવામાં આવ્યો હતો. ઓર્ગેનાઇઝેશન ઓફ ગાઇડેંસ ડિપાર્ટમેન્ટ (ODG) ને ઉત્તર કોરિયાની સૌથી પાવરફૂલ સંસ્થા માનવામાં આવે છે. જે દેશના તમામ મહત્વના નિર્ણય લે છે અને ચો રયોંગ આ ડિપાર્ટમેન્ટના ચેરમેન છે. કિમ જોંગની ગેરહાજરીમાં હાલ ચો જ મહત્વના નિર્ણયો લે છે.

નોર્થ કોરિયાની સેનામાં ચો વાઇસ માર્શલ છે. અને પ્રસિદ્ધ ફાયરિંગ સ્ક્વોડ બનાવાનો શ્રેય તેમને આપવામાં આવે છે. આ સ્ક્વોડ એન્ટી એરક્રાફ્ટ ગનથી દુશ્મનને બાંધીને ઉડાવવા માટે જાણીતી છે.

ચો રયોંગ એટલો પાવરફૂલ છે કે હાલમાં તેમણે નોર્થ કોરિયન આર્મીના સિનિયર ઓફિસર હ્વાંગ પ્યોંગ સો અને કિમ વોંગ હોન્ગને કડક સજા સંભળાવી હતી. ચો રયોંગના જાણીતા પોપ્યુલેશન કંટ્રોલ પ્રોગ્રામ બદલ અમેરિકા સહિત અનેક દેશોએ તેમના પર પ્રતિબંધ લગાવ્યો છે. કહેવામાં આવી રહ્યું છે કે, કિમ જોંગે ગાદી સાંભળ્યા પછી વર્ષ 2012માં આર્મી ચીફ રહેલા રી યોંગ હો ને રસ્તાથી હટાવવા માટે પણ ચો રયોંગે ખૂબ મહત્વની ભૂમિકા ભજવી હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]