પેરિસઃ ફ્રાંસમાં આઠ એરપોર્ટ સુરક્ષા કારણોસર ખાલી કરાવવામાં આવ્યાં હતાં. એ અજ્ઞાત ધમકી મળ્યા પછી આ એરપોર્ટ ખાલી કરાવવામાં આવ્યાં હતાં. પેરિસની પાસે બ્યુવૈસ, સ્ટ્રાસબર્ગ, નેનટેસ, બિયારિટ્સ, ટૂલુઝ, લિલી, લ્યોન-બ્રોન અને નાઇસ એરપોર્ટ સામેલ છે. ફ્રાંસના મિડિયા અહેવાલો અનુસાર બોમ્બની ધમકી મળ્યા પછી સ્ટ્રાસબર્ગ અને નૈનટેસને ખાલી કરાવવામાં આવ્યાં હતાં.
જોકે નાઇસ એરપોર્ટની સર્વિસ ફરી શરૂ કરી દેવામાં આવી છે. જોકે પેરિસની પાસેના વર્સેલ્સથી એક સપ્તાહથી પણ ઓછા સમયમાં ત્રીજી વાર સુરક્ષાનાં કારણોસર પ્રવાસીઓને બહાર કાઢવામાં આવ્યા હતા. મંગળવારે એક શંકાસ્પદ ચીજવસ્તુ મળવાને કારણે ને સપ્તાહને અંતે બોમ્બની ધમકીને કારણે કાર્યક્રમ સ્થળ ખાલી કરાવવો પડ્યો હતો. પેરિસમાં સુરક્ષાનાં કારણોસર લોવર મ્યુઝિયમ બંધ કરવામાં આવ્યું હતું, પણ હવે એ ખોલવામાં આવ્યું છે.
ગયા સપ્તાહે વડા પ્રધાન એલિઝાબેથ બોર્ને ઉત્તરી શહેર અર્રાસની એક સ્કૂલમાં એક હુમલાખોરે એક શિક્ષકની હત્યા કર્યા બાદ ત્રણ અન્ય લોકોને ઘાયલ કર્યા બાદ દેશમાં સુરક્ષા સલામતી વધારવામાં આવી છે. હાલના વર્ષોમાં ફ્રાંસ સિલસિલેવાર ઇસ્લામી હુમલાથી પ્રભાવિત થયું છે.
