ઇટાલીમાં કોરોના સામે જંગ લડતા 51 ડોક્ટરોનાં મોત

રોમઃ કોરોના વાઇરસ રોગચાળાનો હબ બની ચૂકેલા ઇટાલીમાં 51 ડોક્ટરોનાં મોત થયાં છે. આ બધા ડોક્ટરો કોરોના વાઇરસના દર્દીઓની સારવાર કરી રહ્યા હતા, એ જરમ્યાન તેમને પણ આ રોગનો ચેપ લાગ્યો હતો. અત્યાર સુધીમાં ઇટાલીમાં કોરોના વાઇરસથી માર્યા ગયેલા લોકોની સંખ્યા વધીને 9,134 થઈ છે, જે વિશ્વમાં સૌથી વધુ છે.વિશ્વમાં કોરોના કેસોની સંખ્યામાંં સતત વધારો થઈ રહ્યો છે. વિશ્વમાં કોરોનાની સંખ્યા વધીને પાંચ લાખને પાર થઈ છે.

છેલ્લા 24 કલાકમાં ઇટાલીમાં 1000 લોકોનાં મોત

ઇટાલીમાં છેલ્લા 24 કલાકમાં આશરે 1000 લોકોનાં મોત થયાં છે. ફ્રાન્સમાં છેલ્લા 24 કલાકમાં 299 લોકોનાં મોત થયાં છે. જ્યારે અમેરિકામાં કોરોના ચેપગ્રસ્ત લોકોની સંખ્યા એક લાખને પાર પહોંચી છે.

સૌથી પહેલાં ડોકક્ટરોની સુરક્ષા કરવાની માગ

ઇટાલીમાં કકોરોના વાઇરસથી 51 ડોક્ટરોનાં મોત થયાં છે, જેમનાં સારવાર દરમ્યાન મોત થયાં છે. ઇટાલીના ડોક્ટરના સંઘના અધ્યક્ષ ફિલિપો અનેલ્લીએ આ જોખમને જોતાં ડોક્ટરો માટે વધુ સુરક્ષા ઉપકરણોની માગ કરી હતી. તેમણે કહ્યું હતું કે સૌથી પહેલાં કામ ડોક્ટરોની સુરક્ષી માટે થવું જોઈએ. જેથી તેઓ કોરોનાની ઝપટમાં ના આવી જાય.

ઇટાલીમાં કોરોના કેસ ચીન કરતાં પણ વધુ

ઇટાલીમાં છેલ્લા 24 કલાકમાં ઇટાલીમાં 970 લોકોનાં મોત થયાં છે. આ સાથે ઇટાલીમાં અત્યાર સુધી આ રોગથી કુકલ 9,134 લોકોનાં મોત થયાં છે. અહીં કોરોના પોઝિટવ લોકોની સંખ્યા 86,498 પોઝિટિવ કેસ નોંધાયાં છે. જ્યારે માત્ર 10,950 લોકો રોગમુક્ત થયા છે.

વિશ્વમાં 201 દેશોમાં કોરોના રોગથી 5,12,701 લોકો ચેપગ્રસ્ત

ચીનના વુહાનથી કોરોના વાઇરસ વિશ્વભરમાં ફેલાઈ ગયો છે. અત્યાર સુધી વિશ્વવી કુલ 201 દેશોમાં કોરોના વાઇરસ ફેલાઈ ચૂક્યો છે. વિશ્વભરમાં કોરોના કુલ કેસોની સંખ્યા 5,12,701 થઈ છે. ચીનમાં આ રોગના 82,093 કેસો, ઇટાલીમાં 80,539 કેસો, અમેરિકામાં એક લાખ કેસો, સ્પેનમાં 56,188 કેસો, જર્મનીમાં 42,288 કેસો અને ફ્રાન્સમાં આ રોગના 28,786 લોકો ચેપગ્રસ્તા થયા  છે.

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]