ભારત અને વેસ્ટ ઈન્ડિઝ વચ્ચે બીજી વન-ડે રમાઈ રહી છે. આ મેચ કેન્સિંગ્ટન ઓવલ, બ્રિજટાઉન, બાર્બાડોસમાં રમાઈ રહી છે. ભારતીય ટીમ 3 મેચની શ્રેણીમાં 1-0થી આગળ છે. ટીમ ઈન્ડિયાએ 2006-07થી વિન્ડીઝ પર પ્રભુત્વ જમાવ્યું છે. છેલ્લા 17 વર્ષથી ટીમ ઈન્ડિયા કેરેબિયન ટીમ સામે વનડે શ્રેણી જીતી રહી છે. બીજી વનડે જીતીને ભારતીય ટીમ વિન્ડીઝ સામેની સતત 13મી વનડે શ્રેણી પોતાના નામે કરશે. શ્રેણીની પ્રથમ વનડેમાં યજમાન વેસ્ટ ઈન્ડિઝની ટીમ સસ્તામાં આઉટ થઈ ગઈ હતી. તે મહેમાનો સાથે સ્પર્ધા કરવામાં નિષ્ફળ રહી. બીજી વનડેમાં પણ યજમાન ટીમ તરફથી પડકાર મેળવવો મુશ્કેલ છે. વિન્ડીઝે ટોસ જીતીને પ્રથમ બોલિંગ કરવાનું પસંદ કર્યું હતું.
🚨 Toss Update 🚨
West Indies win the toss and elect to field first in the 2nd ODI.
Follow the match – https://t.co/k4FosiRmuT#TeamIndia | #WIvIND pic.twitter.com/tEUAw1b07b
— BCCI (@BCCI) July 29, 2023
આ મેદાન પર પ્રથમ વનડે પણ રમાઈ હતી જ્યાં વિન્ડીઝની ટીમ 23 ઓવરમાં 114 રનમાં ઓલઆઉટ થઈ ગઈ હતી. ભારતીય સ્પિનરો કુલદીપ યાદવ અને રવિન્દ્ર જાડેજાએ 7 વિકેટો વહેંચી હતી. સ્પિનરોને પિચમાંથી ઘણો વળાંક મળી રહ્યો હતો. ભારતીય ટીમે વર્લ્ડ કપ પહેલા 11 વનડે રમવાની છે. ટીમે આ સમય દરમિયાન પ્રયોગ કરવાનો છે. ટીમ ઈન્ડિયા છેલ્લા 6 વર્ષથી વિન્ડીઝમાં એક પણ વનડે મેચ હારી નથી. અગાઉ, ભારતે વર્ષ 2017માં વિન્ડીઝમાં 2 વનડે જીતી હતી જ્યારે 2019માં તેણે 3 વન-ડે જીતી હતી. વર્ષ 2022માં પણ તેણે 3 વનડે જીતી હતી. તેણે આ વર્ષની શરૂઆત પણ પ્રથમ વનડેમાં જીત સાથે કરી છે.
વેસ્ટ ઈન્ડિઝ પ્લેઈંગ ઈલેવન
વેસ્ટ ઈન્ડિઝ (પ્લેઈંગ ઈલેવન): બ્રાન્ડોન કિંગ, કાયલ મેયર્સ, એલિક એથાનાઝ, શાઈ હોપ (wk/c), શિમરોન હેટમાયર, કેસી કાર્ટી, રોમારિયો શેફર્ડ, યાનિક કારિયા, ગુડાકેશ મોતી, અલ્ઝારી જોસેફ, જેડન સીલ્સ
A look at #TeamIndia‘s Playing XI for the 2nd ODI!@hardikpandya7 to lead the side today 👌
Follow the match – https://t.co/k4FosiRmuT#WIvIND pic.twitter.com/8wWBzdMrw7
— BCCI (@BCCI) July 29, 2023
ભારતની પ્લેઈંગ ઈલેવન
ભારતની પ્લેઈંગ ઈલેવન: શુભમન ગિલ, ઈશાન કિશન (વિકેટ કિપર), સંજુ સેમસન, હાર્દિક પંડ્યા (કેપ્ટન), સૂર્યકુમાર યાદવ, રવિન્દ્ર જાડેજા, અક્ષર પટેલ, શાર્દુલ ઠાકુર, કુલદીપ યાદવ, ઉમરાન મલિક, મુકેશ કુમાર
