મનોજ બાજપેયી, મોહનલાલ, કરીના કપૂર ખાન અને શર્મિલા ટાગોર જેવા કલાકારોને ઇન્ડિયન ફિલ્મ ફેસ્ટિવલ ઓફ મેલબોર્ન (IFFM) 2025 માં ‘શ્રેષ્ઠ અભિનેતા’ માટે નોમિનેશન મળ્યા છે. આ ઉપરાંત ‘હોમબાઉન્ડ’, ‘કલ્કી 2898 AD’, ‘L2: એમ્પુરાં’, ‘મહારાજ’, ‘મૈયાઝગન’, ‘સ્ત્રી 2’ અને ‘સુપરબોય્સ ઓફ માલેગાંવ’ ને ‘શ્રેષ્ઠ ફિલ્મ’ કેટેગરીમાં નોમિનેશન મળ્યા છે.
શ્રેષ્ઠ અભિનેતા અને અભિનેત્રી માટે નામાંકનો
અભિષેક બચ્ચન, આદર્શ ગૌરવ, ઈશાન ખટ્ટર, જુનેદ ખાન, મનોજ બાજપેયી અને મોહનલાલ IFFMમાં શ્રેષ્ઠ અભિનેતાની રેસમાં છે. એ જ રીતે અંજલિ શિવરામન, કરીના કપૂર ખાન, શામલા હમઝા, શર્મિલા ટાગોર અને શ્રદ્ધા કપૂર શ્રેષ્ઠ અભિનેત્રીની રેસમાં છે.
અરણ્ય સહાય, લક્ષ્મીપ્રિયા દેવી, નીરજ ઘેવાન, ઓનિર, રીમા કાગતી, રીમા દાસ, વર્ષા ભરત અને વિપિન રાધાકૃષ્ણનને શ્રેષ્ઠ નિર્દેશકના એવોર્ડ માટે નામાંકિત કરવામાં આવ્યા છે. આ લોકોએ પોતાના ક્ષેત્રમાં ઉત્તમ કામ કર્યું છે. એ જ રીતે બ્લેક વોરંટ, ઇલેવન ઇલેવન, ખૌફ, કોટા ફેક્ટરી સીઝન 3, મનોરથંગલ, પાતાલ લોક સીઝન 2, થલાઇવટ્ટમ અને ત્રિભુવન મિશ્રા સીએ ટોપરને શ્રેષ્ઠ વેબ સિરીઝ માટે નામાંકિત કરવામાં આવી છે.
વેબ સિરીઝમાં શ્રેષ્ઠ અભિનેતા અને અભિનેત્રી
અનન્યા પાંડે, મોનિકા પંવાર, શબાના આઝમી, તિલોત્તમા શોમ, નિમિષા સજયન,પાર્વતી તિરુવોથુ અને રસિકા દુગ્ગલને વેબ સિરીઝમાં શ્રેષ્ઠ અભિનેત્રી માટે નોમિનેશન મળ્યા છે. અભિષેક કુમાર, અલી ફઝલ, મામૂટી, માનવ કૌલ, જયદીપ અહલાવત, જીતેન્દ્ર કુમાર અને જહાન કપૂરને વેબ સિરીઝમાં શ્રેષ્ઠ અભિનેતા માટે નોમિનેટ કરવામાં આવ્યા છે.
આ ફેસ્ટિવલ 14 થી 24 ઓગસ્ટ સુધી ચાલશે
આ ફેસ્ટિવલમાં ગુરુ દત્તના વારસાની ઉજવણી કરવામાં આવશે. આ પ્રસંગે તેમની ફિલ્મો ‘પ્યાસા’ અને ‘કાગઝ કે ફૂલ’ બતાવવામાં આવશે. તમને જણાવી દઈએ કે IFFM 2025 ફેસ્ટિવલ 14 ઓગસ્ટથી 24 ઓગસ્ટ સુધી ચાલુ રહેશે. આ ફેસ્ટિવલમાં એક ખાસ જ્યુરી બધા એવોર્ડ નક્કી કરશે.
