ગુજરાતી ફિલ્મ ઈન્ડસ્ટ્રીના સુપરસ્ટાર મલ્હાર ઠાકરના ઘરે હવે કિલકારી ગૂંજવાની છે. અભિનેત્રી અને મલ્હારની વાઈફ પૂજા જોષી ખુશખબરી આપી છે. છેલ્લો દિવસનો વિક્કી હવે પપ્પા બની જશે.
પૂજા જોશીએ સોશિયલ મીડિયા પર ચાહકો સાથે ખુશીના સમાચાર શેર કર્યા છે. તેણીએ એક પોસ્ટ શેર કરી પ્રેગ્નેન્સીની જાહેરાત કરી છે. પૂજા જોષીએ લખ્યું કે, અમે અમારો પરિવાર બનાવવા જઈ રહ્યા છીએ. હું ખૂબ જ હરખ અને આનંદ સાથે એ જાહેરાત કરું છું અમે એક પર્ફેક્ટ ડુઓમાંથી સુંદર ત્રિપુટી તરફ જઈ રહ્યા છીએ, જેનો હું અને મલ્હાર ઘણા સમયથી વિચાર કરતા હતાં.
વધુમાં પૂજાએ ઉમેર્યુ કે અમે ઘણા સમયથી આ સ્વપ્ન જોઈ રહ્યા હતાં અને ટૂંક સમયમાં અમારું નવું ચેપ્ટર શરૂ થશે. આનંદ અને સ્લીપનેસ નાઈટ માટે તૈયાર થઈ જાઓ. પૂજા અને મલ્હારની આ જાહેરાત બાદ કલા જગતની હસ્તીઓ તેમને શુભકામનાઓ પાઠવી રહ્યા છે.
View this post on Instagram
ઉલ્લેખનીય છે કે મલ્હાર ઠાકર અને પૂજા જોશી 26 નવેમ્બર,2024ના રોજ લગ્નના બંધનમાં બંધાયા હતાં. તેમણે અમદાવાદમાં ધામધૂમથી લગ્ન કર્યા હતાં. જેમાં ફિલ્મ ઈન્ડસ્ટ્રીના મોટા ભાગના કલાકારો સામલ થયા હતાં. મલ્હાર ઠાકરના વર્કફ્રન્ટની વાત કરીએ તો છેલ્લે તે જય માતાજી રોક્સમાં જોવા મળ્યા હતાં. જ્યારે કે પૂજા જોશી છેલ્લે જલસો ફિલ્મમાં દેખાઈ હતી. જે હમણાં તાજેતરમાં જ રિલીઝ થઈ છે.
