UPSC ફાઇનલનું પરિણામ આજે જાહેર કરવામાં આવ્યું છે. જેમાં ગુજરાતના વિદ્યાર્થીઓએ ફરી એક વખત રાજ્યનું ગૌરવ વધાર્યું છે. ઉલ્લેખનીય છે. UPSC જેવી આકરી કસોટીમાં ટોચના 30 ઉમેદવારોમાં 3 ગુજરાતી લોકોનું નામ સામેલ થયું છે. જેમાં પણ ટોપ-5માં બે મહિલા ગુજરાતનું માથું ઉંચું કર્યું છે. ગુજરાતની હર્ષિતા શાહ ઓલ ઇન્ડિયા બીજો અને માર્ગી શાહ ચોથું સ્થાન પ્રાપ્થ કરીને ગુજરાતનું ગૌરવ વધાર્યું છે.
યુનિયન પબ્લિક સર્વિસીસ કમિશન (UPSC) એ સિવિલ સર્વિસીસ પરીક્ષા 2024 (UPSC સિવિલ સર્વિસીસ પરિણામ 2024)નું અંતિમ પરિણામ જાહેર કર્યું છે. ઉમેદવારો UPSCની સત્તાવાર વેબસાઇટ upsc.gov.in પર પોતાનું પરિણામ ચકાસી શકે છે. આ પરિણામમાં પહેલો ક્રમાંક મેળવનાર શક્તિ દુબે બન્યા છે. જણાવી દઈએ કે પરિણામ જાહેર થયા 15 દિવસ બાદ ઉમેદવારોના ગુણ જાહેર કરવામાં આવશે. આ પરિણામમાં ટોચના 30 વિદ્યાર્થીઓમાન 3 વિદ્યાર્થીઓ ગુજરાતના છે. જેમાં ટોપમાં બે ગુજરાતી દિકરીઓએ સ્થાન મેળવ્યું છે. આ ઉપરાંત 30માં ક્રમાંક એક ગુજરાતના દિકરાને સ્થાન મળ્યું છે. UPSC સિવિલ સર્વિસીસ પરીક્ષા માટેના ઇન્ટરવ્યુ 17 એપ્રિલ 2025 સુધી લેવામાં આવ્યા હતા. મુખ્ય પરીક્ષામાં સફળ થયેલા લગભગ 2845 ઉમેદવારોને ઇન્ટરવ્યુ માટે બોલાવવામાં આવ્યા હતા. સિવિલ સર્વિસીસ પરીક્ષા 2024 હેઠળ, UPSCએ IAS, IPS સહિત સેવાઓમાં 1132 જગ્યાઓ માટે અરજીઓ મંગાવી હતી. અગાઉ મૂળ સૂચનામાં પણ ફક્ત 1056 જગ્યાઓ હતી પરંતુ બાદમાં તેને વધારીને 1132 કરવામાં આવી હતી.
UPSC સિવિલ સર્વિસીસ દ્વારા ભારતીય વહીવટી સેવાઓ (IAS), ભારતીય પોલીસ સેવાઓ (IPS) અને ભારતીય વિદેશ સેવાઓ (IFS), રેલ્વે ગ્રુપ A (ભારતીય રેલ્વે એકાઉન્ટ્સ સેવા), ભારતીય ટપાલ સેવાઓ, ભારતીય ટપાલ સેવા, ભારતીય ટ્રેડ સેવાઓ અને અન્ય સેવાઓ માટે પસંદગી કરવામાં આવે છે. UPSC સિવિલ સર્વિસીસ પરીક્ષા ત્રણ તબક્કામાં લેવામાં આવે છે- પ્રિલિમ, મેઇન્સ અને ઇન્ટરવ્યૂ. મેઇન્સ અને ઇન્ટરવ્યુમાં પ્રદર્શનના આધારે અંતિમ મેરિટ યાદી જાહેર કરવામાં આવે છે.
