મોરબીઃ રાજ્યના મોરબીમાં સિવિલ હોસ્પિટલની રાતોરાત કાયાપલટ કરવાના પ્રયાસ થઈ રહ્યા છે. અહીં વડા પ્રધાન મોદી મંગળવારે પીડિતોની મુલાકાત કરશે, જેઓ ઝૂલતા પૂલ તૂટવાની દુર્ઘટનામાં બચી ગયા છે. હોસ્પિટલમાં રંગરોગાન કરવા પર વિરોધ પક્ષોએ તીખી આલોચના કરી હતી.
મચ્છુ નદી પર બનેલો કેબલ સસ્પેશન પૂલ તૂટવાની જીવલેણ દુર્ઘટના પછી વડા પ્રધાન બપોરે એક કલાકે મોરબીની મુલાકાત લેશે. આ દુર્ઘટનામાં 47 બાળકો સહિત 190 લોકોનાં મોત થયાં છે, જ્યારે 100થી વધુ લોકો ઇજાગ્રસ્ત થયા હતા અને તેમને મોરબીની સિવિલ હોસ્પિટલમાં દાખલ કરવામાં આવ્યા છે.
त्रासदी का इवेंट
कल PM मोदी मोरबी के सिविल अस्पताल जाएंगे। उससे पहले वहां रंगाई-पुताई का काम चल रहा है। चमचमाती टाइल्स लगाई जा रही हैं।
PM मोदी की तस्वीर में कोई कमी न रहे, इसका सारा प्रबंध हो रहा है।
इन्हें शर्म नहीं आती! इतने लोग मर गए और ये इवेंटबाजी में लगे हैं। pic.twitter.com/MHYAUsfaoC
— Congress (@INCIndia) October 31, 2022
વડા પ્રધાન મોદી આ હોસ્પિટલની મુલાકાત પહેલાં હોસ્પિટલના રંગરૂપ બદલવાનું કામ ચાલી રહ્યું છે. હોસ્પિટલમાં બેડ પર ચાદરો બદલવામાં આવી રહી છે. સાફસફાઈ ચાલી રહી છે. જૂના કૂલર અને પોપડાં ઊખડતી દીવાલો અને છતને મરામત કરવાનું કામ જોરશોરથી ચાલી રહ્યું છે.
Morbi Civil Hospital का दृश्य…
कल प्रधानमंत्री के Photoshoot में कोई कमी ना रह जाए इसलिए अस्पताल की मरम्मत की जा रही है।
अगर भाजपा ने 27 वर्षों में काम किया होता तो आधी रात को अस्पताल को चमकाने की जरूरत न पड़ती।#BJPCheatsGujarat pic.twitter.com/h83iUmPzKA
— AAP (@AamAadmiParty) October 31, 2022
આ હોસ્પિટલમાં ચાલી રહેલા જીર્ણોદ્ધારની વિરોધ પક્ષો- કોંગ્રેસ, આમ આદમી પાર્ટીએ ભાજપની ટીકા કરતાં જણાવ્યું હતું કે વડા પ્રધાનનું ફોટોશૂટ કરવા માટે ઇવેન્ટ મેનેજમેન્ટમાં વ્યસ્ત હોવાનો આરોપ લગાડવામાં આવી રહ્યો છે. આ દુર્ઘટનાને ત્રાસદી બતાવતાં કોંગ્રેસે સત્તાવાર ટ્વિટર હેન્ડલથી ટ્વીટ કર્યું હતું કે આવતી કાલે વડા પ્રધાન મોરબીની સિવિલ હોસ્પિટલ જશે, એ પહેલાં ત્યાં રંગરોગાનનું કામ ચાલી રહ્યું છે, જેથી PM મોદીના ફોટો શૂટમાં કોઈ કમી ના રહે. એની બધી વ્યવસ્થા જોરશોરથી થઈ રહી છે.
