અમદાવાદના વસ્ત્રાલ વિસ્તારમાં અસામાજિક તત્ત્વોએ લોકોમાં ડર અને અરાજકતા ફેલાવવાનો પ્રયાસ કર્યો, જે બાદ સરકારે કડક પગલાં લેવાના આદેશ આપ્યા છે. આ ઘટના દરમિયાન શહેરના એક યુવકને બે વ્યક્તિઓએ પટ્ટા વડે નિર્દયતાથી માર માર્યો, જેનો વીડિયો સોશિયલ મીડિયા પર ઝડપથી ફેલાયો. આ વાઈરલ વીડિયોના આધારે પોલીસે તાત્કાલિક કાર્યવાહી કરી અને બંને આરોપીઓને પકડીને કાયદાનો ભય બતાવ્યો છે.
ઓઢવ પોસ્ટે નો વાયરલ વીડીયો જુનો છે વીડીયો મા દેખાતા ઈસમો પેટ્રોલ પંપ પર ૫૦/- ના પેટ્રોલ પુરાવવા બાબતે અંદરો અંદર ઝઘડે છે એમા જેતે વખતે પોલિસ દ્વારા આરોપી ને અટક કરી ને કાયદેસર ની કાર્યવાહી કરવા મા આવેલ છે @GujaratPolice @dgpgujarat @AhmedabadPolice @sanghaviharsh @CMOGuj pic.twitter.com/i38ov5Pun3
— DCP ZONE-5 AHMEDABAD (@DcpZone5Ahd) March 22, 2025
શું છે આખી ઘટના?
પ્રાપ્ત વિગતો મુજબ, અમદાવાદના ઓઢવ વિસ્તારમાં આવેલા એક પેટ્રોલ પંપ પર એક યુવક પર હુમલો થયો હતો, જેનો વીડિયો સામે આવ્યો છે. આ ફૂટેજમાં બે શખ્સો યુવકને નિર્મમતાથી મારતા જોવા મળે છે. એક વ્યક્તિ યુવકના વાળ પકડીને તેને ઘસડી રહ્યો હતો, જ્યારે બીજો તેને પટ્ટાથી મારતો હતો. કહેવાય છે કે આ હુમલો માત્ર 50 રૂપિયાની નાની બોલાચાલીને કારણે થયો હતો. ઘટના બાદ પોલીસે તરત જ આરોપીઓને હિરાસતમાં લઈને તેમની સામે કાયદેસરની કાર્યવાહી શરૂ કરી છે.
