સુરત: ટ્રાફિક મેનેજમેન્ટ કરવાના સારા પ્રયત્નોને પગલે સુરતના વખાય થઈ રહ્યા છે. ત્યારે હવે શહેરમાં લોકોને ટ્રાફિક નિયમો પાલન કરવા માટે તંત્ર એક્શન મોડમાં આવી ગયા છે. પાછલા ત્રણ દિવસની ડ્રાઈવમાં 1500 લોકોને ઇ-મેમો આપવામાં આવ્યો છે. રોંગ સાઈડ વાહન ચલાવનારને રૂપિયા 3000નો દંડ ફટકાર્યો છે. આ ઉપરાંત વારંવાર નિયમો તોડ્તા લાયસન્સ રદ કરાયા છે.
સુરતમાં ટ્રાફિક નિયમોનો ભંગ કરનાર સામે તંત્રએ ત્રણ દિવસની ડ્રાઈવ કરવામાં આવી હતી. જેમાં સિગ્નલ તોડવાથી લઈ ઓવર સ્પીડિંગ, રોંગસાઈડ વાહન ચલાવવા જેવા નિયમ ભંગને લઈ દંડ આપવામાં આવ્યો હતો. પોલીસ વાહનો પર સ્પીડગનથી સતત નજર રાખવામાં આવી રહી છે. રોંગ સાઈડ વાહન હાકરનારને રૂપિયા 3000નો દંડ ફટકારવામાં આવી છે. વારંવાર નિયમ તોડનારના લાયસન્સ સસ્પેન્ડ કરવા સુધીની કાર્યવાહી કરવામાં આવી છે. તેમજ ખાસ ડુમસ રોડ પર રેસ લગાવતા વાહનો ચાલાક પર બાજ નજર રાખવામાં આવી છે. સુરતમાં ટ્રાફિકના નિયમો ભંગ કરનારા સાવધાન થઈ જાવ નહીતર તમારા પણ લાયસન્સ રદ થઈ શકે છે.
સુરત આરટીઓ વાહનના નિયમો ભંગ કરનાર સામે કડક કાર્યવાહી કરવા જઈ રહી છે, આવા વાહન ચાલકોનું લાયસન્સ રદ કરવા માટે આરટીઓ મહેનત કરી રહી છે. તાજેતરમાં 75થી વધુ વખત ટ્રાફિકના નિયમો તોડનારાને તેડુ મોકલ્યું હતુ. આ કાર્યવાહીમાં 55 વાહન ચાલકોને RTOનું તેડું આવ્યું હતુ જેમાં 100થી વધુ વખત નિયમ તોડનારા 8 વાહનચાલકો હતા. 75થી વધુ વખત નિયમો તોડનારા 22 વાહનચાલકો હતા. 70 થી વધુ વખત નિયમોનું ભંગ કરનારા 25 વાહન ચાલકો હતા.
