ગાંધીનગર: NEEV, IIT ગાંધીનગરના કોમ્યુનિટી આઉટરીચ પ્રોગ્રામ, દેસાઈ ફાઉન્ડેશન ટ્રસ્ટની ભાગીદારીમાં, ગાંધીનગરના ગ્રામીણ વિસ્તારોમાંથી આવતા યુવાનો અને મહિલાઓ માટે એપ્રિલથી જૂન 2024 દરમિયાન છ કૌશલ્ય વિકાસ અભ્યાસક્રમો સફળતાપૂર્વક ચલાવ્યા. આ અભ્યાસક્રમો દ્વારા 228 સહભાગીઓને તાલીમ આપવામાં આવી હતી.
13 જૂન 2024ના રોજો યોજાયેલ સમાપન કાર્યક્રમમાં સ્ટિચિંગ કોર્સમાં 26 લોકોને સર્ટીફીકેટ આપવામાં આવ્યા તો બ્યુટિશિયન કોર્સમાં 36, બેઝિક કોમ્પ્યુટર કોર્સના બે બેચમાં 91, સ્પોકન-ઇંગ્લિશ કોર્સમાં 43, નેઇલ આર્ટ ડિઝાઇન કોર્સમાં 32 લોકોને સટીફીકેટ આપવામાં આવ્યા છે.
NEEV કોઓર્ડિનેટર, સૌમ્ય હરીશે જણાવ્યું હતું કે, “IIT ગાંધીનગર સમગ્ર દેશમાંથી સારી પ્રતિભા ધરાવતા લોકોને ઉત્તમ તક પૂરી પાડતી પ્રીમિયર સંસ્થા હોવા છતાં, NEEV આસપાસના ગ્રામીણ સમુદાયોના લાભ માટે તેના જરૂરતના સંસાધનોનો વિસ્તાર કરવામાં પણ વિશ્વાસ રાખે છે. આ અભ્યાસક્રમો દ્વારા, અછતગ્રસ્ત સમુદાયોની મહિલાઓ અને યુવાનો તેમની આજીવિકા, શિક્ષણ અને કારકિર્દીને આગળ વધારવા માટે જરૂરી કૌશલ્યો મેળવે છે.”
રજની મૂના,IITBNF, IIT બોમ્બેના હેડ IT અને ડો. શિવપ્રિયા કિરુબાકરન, ડીન અને રસાયણશાસ્ત્રના એસોસિયેટ પ્રોફેસર, આ કાર્યક્રમમાં મુખ્ય અતિથિ હતા. રજની મૂના અને ડો. કિરુબાકરન બંનેએ સહભાગીઓને અભિનંદન આપ્યા અને તેમના શિક્ષણ અને કારકિર્દી માટે કોર્સમાંથી શીખેલા કૌશલ્યોનો ઉપયોગ કરવાના મહત્વ પર ભાર મૂક્યો.
