દ્વારકા: થોડા દિવસો પહેલા દેશની સુરક્ષાને લઈ દેવભૂમિ દ્વારકા અને જામનગરના સહિત આસપાસના ટાપુમાં મેગા ડિમોલેશનન અભિયાન હાથ ધરવામાં આવ્યું હતું. જે બાદ હવે દેવભૂમિ દ્વારકાના ટાપુઓમાં પોલીસનું મેગા ઓપરેશન હાથ ધરવામાં આવ્યું છે. જામનગર, દ્વારકાના 42 ટાપુઓમાં પોલીસની મેગા ડ્રાઇવ શરૂ કરાઇ છે. અનઅધિકૃત બાંધકામ અને અજાણ્યા વ્યક્તિઓના પ્રવેશને લઇને તપાસનો ધમધમાટ શરૂ કરવામાં આવ્યો છે.
સૂત્રો પાસેથી મળતી જાણકારી પ્રમાણે દેશના પ્રતિબંધીત એવા ટાપુ જે દેવભૂમિ દ્વારકા અને જામનગર જિલ્લામાં આવેલા છે. જેના પર પાછલા ઘણા સમયથી 36 જેટલા ગેરકાયદે બાંધકામ કરવામાં આવ્યા હતા. જેના પર તંત્રએ એક્શન લીધુ હતું. તમામ બાંધકામોને દુર કરી જમીન ખુલ્લી કરી નાખવામાં આવી છે. આ ઉપરાંત હવે રાજકોટ જામનગર પોલીસ સહિયારી 42 ટાપુ પર મેગા શર્ચ ઓપરેશન શરૂ કર્યું છે. અનઅધિકૃત બાંધકામ અને અજાણ્યા વ્યક્તિઓના પ્રવેશને લઇને તપાસ શરૂ કરાઇ છે. નિર્જન ટાપુઓના પ્રવેશ પર વહિવટી તંત્રએ પ્રતિબંધ મૂક્યો છે. થોડા દિવસો પહેલા પીરોટન ટાપુ સહિત 7 ટાપુઓ પરથી ગેરકાયદેસર બાંધકામ દૂર કરાયું હતું. હાલ પોલીસે 42 ટાપુઓમાં પોલીસની મેગા ડ્રાઇવ શરૂ કરી છે.
