અમદાવાદઃ દેશમાં કોરોના વાઇરસના 2272 કેસોની સાથે ગુજરાત ત્રીજા ક્રમે છે, જ્યારે રાજ્યમાં કોરોના વાઇસના સૌથી વધુ કેસોમાં અમદાવાદ મોખરે છે. જેથી રાજ્યના પોલીસ વડા શિવાનંદ ઝાએ પણ 24 એપ્રિલ સુધી સવારે છ વાગ્યા સુધી કરફ્યુ લગાવી દીધો છે. હવે આવા લોકડાઉન અને કરફ્યુના સમયગાળામાં શહેરીજનોને સહાયરૂપ થવા માટે HDFC બેન્કે લોકોને કેશ (રોકડ) ઉપાડવા માટે પોતાના વિસ્તારની બહાર ના જવું પડે એ માટે મોબાઇલ ATMની સેવા શરૂ કરી છે. જોકે બેન્કે આ પ્રકારની સેવા મુંબઈ, નવી દિલ્હી, અલાહાબાદ, કોઇમ્બતુર, ચંડીગઢ, ચેન્નઈ, પુણે, હૈદરાબાદ અને ભુવનેશ્વરમાં પણ શરૂ કરી છે.
HDFC બેન્કે શહેરમાં અમદાવાદ મ્યુનિસિપલ કોર્પોરેશનની સલાહ અનુસાર ઓળખી કાઢવામાં આવેલાં સ્થળોએ શરૂ કરી છે. બેન્ક આ મોબાઇલ ATM નિશ્ચિત સમયગાળા માટે પ્રત્યેક સ્થળે સંચાલન કરશે. આ મોબાઇલ ATM સવારે 10 કલાકથી સાંજે પાંચ વાગ્યાની વચ્ચે ત્રણથી પાંચ સ્થળોને આવરી લેવામાં આવશે.
મોબાઇલ ATM ખાતે કર્મચારીઓ અને ગ્રાહકોની સલામતી સુનિશ્ચિત કરવા માટે ATM લાઇન લગાવતી અને સામાજિક અંતર બાબતે તમામં તકેદારીમાં લેવામાં આવે છે.
HDFC બેન્કની શાખાના બેન્કિંગ વડા થોમસન જોસે જણાવ્યું હતું કે આ લોકડાઉનના કપરા સમયમાં બેન્ક મોબાઇલ ATM સુવિધા ગ્રાહકો અને જનતાને સરળતાથી નાણાં ઉપાડવા તથાય અન્ય સુવિધાનો ઉપયોગ કરવામાં મદદરૂપ થશે.
