અમદાવાદ: કોરોનાની મહામારી વધારે વકરે નહીં એ માટે સરકારે ફરજીયાત માસ્ક પહેરવાનું ફરમાન કર્યું છે. પરંતુ કેટલાક વાહનચાલકો, વેપારીઓ અને રાહદારીઓ માસ્ક વગર ફરતાં નજરે પડે છે. અમદાવાદ શહેર પોલીસ અને મહાનગરપાલિકાની બનેલી જોઇન્ટ એન્ફોર્સમેન્ટ ટીમ (જેટ)ના સભ્યો શહેરમાં માસ્ક વગર ફરતાંં લોકો ને અટકાવી દંડ વસુલ કરી રહ્યા છે.
1 જુલાઈને બુધવારની સવારે શાસ્ત્રીનગર વિસ્તારમાં ત્રાટકેલી ‘જેટ’ની ટીમે મોટી સંખ્યામાં માસ્ક વગર ફરતાં લોકો પાસેથી દંડ વસુલ કર્યો હતો.
કોરોના વાયરસની ગંભીરતા સમજ્યા વગર માસ્ક વિહોણા બનીને ફરતાં લોકો પાસેથી રુપિયા 200નો દંડ વસુલવામાં આવે છે. દંડ વસુલ કર્યા બાદ માસ્ક વગર ફરતાં લોકોને એક માસ્ક આપી કોરોનાની ગંભીરતા સમજાવવા ‘જેટ’ની ટીમ પ્રયત્ન કરે છે.
(પ્રજ્ઞેશ વ્યાસ)
