સુરત: ગુજરાતમાં ફરી એખ વખત ગોઝારી ઘટના બનાવાના સમાચાર સામે આવી રહ્યા છે. શહેરની એક ખાનગી લક્ઝરી બસના ડ્રાઈવરે મહિલા સાથે સૃષ્ટી વિરુધનું કાર્યા હોવાના સમાચાર મળી રહ્યા છે. અહીં ચાલુ બસે એક ખાનગી લક્ઝરીના ડ્રાઈવરે મહિલા પર દુષ્કર્મ આચર્યું હોવાની ઘટનાથી ચકચાર મચી ગયો છે. સૂત્રો પાસેથી મળતી માહિતી અનુસાર લાઠીથી સુરત આવતી મારૂતી નંદન ટ્રાવેલ્સની બસમાં આ ઘટના બની હતી. એવો દાવો કરવામાં આવ્યો હતો કે પીડિતાને તેના પુત્રને મારી નાખવાની ધમકી આપીને આ કૃત્ય આચરવામાં આવ્યું હતું.
ખાનગી બસમાં મહિલા સાથે થયેલા કુકર્મ સંદર્ભે સૂત્રો પાસેથી મળતી માહીતી અનુસાર પીડિતા પર્વત પાટિયા વિસ્તારની હતી. જેની વય લગભગ 33 વર્ષની હોવાની જાણકારી છે. પીડીતા પર ખાનગી લક્ઝરી બસના ડ્રાઈવરે લગભગ 3 કલાકથી વધુ સમય સુધી હેવાનિયત ગુજારી હતી. આ મામલે કાપોદ્રા પોલીસને ફરિયાદ મળી હતી અને તપાસ પણ હાથ ધરવામાં આવી છે. આ મામલે એસીપી વિપુલ પટેલે જાણકારી આપતાં કહ્યું હતું કે મારૂતી નંદન ટ્રાવેલ્સના ડ્રાઈવરે ઘટનાના રોજ રાતના સમયે બે વાગ્યાની આજુબાજુ ઘટનાને અંજામ આપ્યો હતો. ડ્રાઈવરે મહિલાની મરજી વિરુદ્ધ આ કુકર્મ કર્યું હતું. આ દરમિયાન ડ્રાઈવરે પીડિત મહિલાને જાણકારી આપી હતી કે કોઈને આ ઘટના વિશે જણાવશે તો તેને જાનથી મારી નાખશે.
