નવી દિલ્હી: દીપિકા પાદુકોણની ફિલ્મ છપાકને લઈને પહેલાથી જ દર્શકોમાં ભારે ક્રેઝ જોવા મળ્યો હતો. બોક્સ ઓફિસ ઈન્ડિયાના જણાવ્યા મુજબ આ છપાક ફિલ્મે પ્રથમ દિવસે 6 કરોડ રૂપિયાની કમાણી કરી છે. ફિલ્મ પ્રોડ્યુસરોને આશા છે કે, ફિલ્મ શનિવાર અને રવિવારે શાનદાર કમાણી કરશે. આ ફિલ્મમાં દીપિકા પાદુકોણે તેમના અભિનયથી દર્શકોના દિલ જીતી લીધા છે અને ફિલ્મમાં દીપિકાની એક્ટિંગના વખાણ પણ કરી રહ્યા છે.
તો આ જ સપ્તાહે રિલિઝ થયેલી ફિલ્મ તાન્હાજી એ બોક્સ ઓફિસ પર ધમાલ મચાવી દીધી છે. આ ફિલ્મે પ્રથમ દિવસે બોક્સ ઓફિસ પર 15.10 કરોડ રૂપિયાની કમાણી સાથે તોફાની ઓપનિંગ કર્યું છે. આ ફિલ્મની કમાણીની જાણકારી તરણ આદર્શે ટ્વીટ કરીને આપી છે.
દીપિકા પાદુકોણની છપાકનું બજેટ લગભગ 35 કરોડ બતાવવામાં આવી રહ્યું છે. છપાકની કહાની માલતી એટલે કે દીપિકા પાદુકોણની છે જે એસિડ એટેક પીડિતા છે અને આ ઘટના છતા તે પોતાની જિંદગીની જંગ પૂરી તાકત અને હિમ્મત સાથે લડી રહી છે. માલતીની આ જંગમાં તેમનો સાથ આપી રહ્યા છે અમોલ (વિક્રાંત મેસે) અને તેમની વકીલ (મધુરજીત સર્ગી). સમગ્ર ફિલ્મ માલતીના સંઘર્ષ અને ઈચ્છાશક્તિ તરફ ઈશારો કરે છે.
