મુંબઈઃ ધ કપિલ શર્મા શો સહિત અને રિયાલિટી ટીવી શોમાં કોમેડિયન તરીકે પ્રખ્યાત થયેલી ભારતી સિંહ અને તેનો પતિ હર્ષ લિંબાચિયા માતા-પિતા બન્યાં છે. ભારતીએ આજે અહીં એમનાં પ્રથમ સંતાનરૂપે પુત્રને જન્મ આપ્યો છે. આની જાણકારી ભારતીએ જ તેનાં ઈન્સ્ટાગ્રામ હેન્ડલ પર આપી છે.
આ સમાચાર વહેતાં થતાં ભારતી અને હર્ષ ઉપર કરણ જોહર, શમિતા શેટ્ટી, ગૌહર ખાન સહિત અનેક ફિલ્મી હસ્તીઓ તરફથી શુભેચ્છાનો વરસાદ વરસી રહ્યો છે. ભારતી અને ટીવી શો અભિનેતા હર્ષે 2017ની 3 ડિસેમ્બરે ગોવામાં લગ્ન કર્યાં હતાં.
