DGCAએ એર ઈન્ડિયાને 10 લાખ રૂપિયાનો દંડ ફટકાર્યો

ડિરેક્ટોરેટ જનરલ ઓફ સિવિલ એવિએશન (DGCA) એ એર ઈન્ડિયા પર પેરિસથી નવી દિલ્હી આવી રહેલી ફ્લાઈટમાં મહિલા મુસાફરના બ્લેન્કેટમાં પેશાબ કરવા બદલ 10 લાખ રૂપિયાનો દંડ ફટકાર્યો છે. ડીજીસીએનું કહેવું છે કે 6 ડિસેમ્બર 2022ના રોજ બનેલી ઘટનાની જાણ કરવામાં આવી ન હતી, તેથી જ દંડ ફટકારવામાં આવ્યો છે.
એર ઈન્ડિયાની AI 142 પેરિસથી દિલ્હી ફ્લાઈટમાં, એક પુરુષ મુસાફરે વોશરૂમમાં સિગારેટ પીધી અને પછી સીટ પર પડેલી મહિલા મુસાફરના બ્લેન્કેટ પર પેશાબ કર્યો. જે બાદ આ કાર્યવાહી કરવામાં આવી છે. એર ઈન્ડિયાને છેલ્લા એક મહિનામાં બીજી વખત દંડ ફટકારવામાં આવ્યો છે.

જણાવી દઈએ કે ગયા વર્ષે 26 નવેમ્બરના રોજ ઉડ્ડયન નિયમનકાર DGCAએ એર ઈન્ડિયાની ફ્લાઈટ દરમિયાન અનેક નિયમોનું ઉલ્લંઘન કરવાના મામલામાં એર ઈન્ડિયા પર 30 લાખ રૂપિયા અને સર્વિસ ડિરેક્ટર પર 3 લાખ રૂપિયાનો દંડ લગાવ્યો હતો. પાઈલટ ઈન્ચાર્જને પણ ત્રણ મહિના માટે સસ્પેન્ડ કરવામાં આવ્યો હતો.

શું છે મામલો?
ફ્લાઈટ પેરિસથી દિલ્હી આવી હતી. એરપોર્ટ સિક્યોરિટીને જાણ કરવામાં આવી હતી કે પુરુષ પેસેન્જર નશામાં હતો અને કેબિન ક્રૂની સૂચનાઓનું પાલન કરતો ન હતો. તેણે નશામાં ધૂત મહિલા પેસેન્જરના બ્લેન્કેટ પર પેશાબ કર્યો. સમગ્ર મામલાને લઈને સીઆરપીએફ દ્વારા દિલ્હીમાં પુરૂષ મુસાફરને પકડવામાં આવ્યો હતો, પરંતુ બંને મુસાફરો વચ્ચે સમાધાન થયા બાદ પુરૂષ મુસાફરને છોડી દેવામાં આવ્યો હતો.

તમને જણાવી દઈએ કે ગયા વર્ષે 26 નવેમ્બરે એર ઈન્ડિયાની અન્ય એક ફ્લાઈટમાં એક પુરૂષ મુસાફર પર એક વૃદ્ધ મહિલા મુસાફર પર પેશાબ કરવાનો આરોપ લાગ્યો હતો. આ મામલાને લઈને ન્યૂઝ એજન્સી એએનઆઈ અનુસાર, એર ઈન્ડિયાના સીઈઓ સહિત ઘણા અધિકારીઓને આ મામલાની સંપૂર્ણ જાણકારી હતી.