પેટા ચૂંટણીઃ કડીમાં ખીલ્યું કમલ, વિસાવદરમાં આપની જીત

અમદાવાદઃ કડી અને વિસાવદર બેઠકની પેટાચૂંટણીના પરિણામ જાહેર થયા છે. કડી વિધાનસભા બેઠક પરથી ભાજપના ઉમેદવાર રાજેન્દ્ર ચાવડાનો ભવ્ય વિજય થયો છે, જ્યારે વિસાવદર બેઠક પરથી ગોપાલ ઇટાલિયાનો વિજય થયો છે. વિસાવદર બેઠક પર AAPના ગોપાલ ઇટાલિયાની, 17,500 મતના માર્જિનથી જીત થઈ છે.

કડી બેઠક પરથી રાજેન્દ્ર ચાવડાનો 38,904 મતોની લીડ સાથે વિજય થયો છે. જ્યારે કોંગ્રેસના રમેશ ચાવડાને 59,932 મત મળ્યા અને આમ આદમી પાર્ટીના જગદીશ ચાવડાને 3077 મત મળ્યાની માહિતી મળી છે. આ બાજુ 1692 મત NOTAને મળ્યા છે. આ માહિતી ચૂંટણી પંચે આપી હતી. જ્યારે વિસાવદરમાં 20મા રાઉન્ડના અંતે આમ આદમી પાર્ટીની લીડ 16,594 થઈ ચૂકી છે. અહીંથી ગોપાલ ઈટાલિયા જીત થઈ છે.

વિસાવદરની ચૂંટણીમાં આમ આદમી પાર્ટીના ગોપાલ ઈટાલિયાનું ઝાડુ ફરી વળતાં કુલ 68,783 વોટ મેળવ્યા છે. આ સાથે ગોપાલ ઈટાલિયાની પ્રચંડ જીત થઇ છે. જ્યારે ભાજપને 18મા રાઉન્ડના અંત સુધીમાં 53,781 વોટ જ મળ્યા છે.  19 જૂનના રોજ કડી અને વિસાવદર વિધાનસભા બેઠકો માટેની પેટાચૂંટણીનું મતદાન યોજાયું હતું. રાજ્ય ચૂંટણી પંચ દ્વારા મતદાન પ્રક્રિયા સુચારુ અને સરળ બનાવવા માટે વ્યાપક વ્યવસ્થા ગોઠવવામાં આવી હતી, જેના પરિણામે મોટી સંખ્યામાં મતદારોએ પોતાના મતાધિકારનો ઉપયોગ કર્યો હતો. ચૂંટણી પંચના આંકડા મુજ, કડી વિધાનસભા બેઠક પર અંદાજે 57.90 ટકા મતદાન નોંધાયું હતું, જ્યારે વિસાવદર બેઠક પર અંદાજે 54.89 ટકા મતદાન થયું હતું.

કડી અને વિસાવદર બંને બેઠક પર કોંગ્રેસની કફોડી સ્થિતિ છે. વિસાવદરમાં કોંગ્રેસના ઉમેદવારને 3 રાઉન્ડના અંતે માત્ર 718 મત મળ્યા હતા. શરૂઆતના ટ્રેન્ડ મુજબ વિસાવદરમાં ફક્ત AAP અને ભાજપ વચ્ચે જ ટક્કર હતી.

RELATED ARTICLESMORE FROM AUTHOR