મુંબઈ તા. 19 ઓક્ટોબર, 2020ઃ BSE SME પ્લેટફોર્મ પર તાજેતરમાં 330મી કંપની વીર ગ્લોબલ ઈન્ફ્રાકંસ્ટ્રક્શન લિ. લિસ્ટ થઈ હતી. વીર ગ્લોબલ ઈન્ફ્રાકંસ્ટ્રક્શન લિ.નો રૂ.10ની મૂળ કિંમતના 17,56,000 ઈક્વિટી શેર્સનો કુલ રૂ.4.92 કરોડનો પબ્લિક ઈશ્યુ 9 ઓક્ટોબર, 2020ના રોજ સફળતાપૂર્વક સંપન્ન થયો હતો. ઈક્વિટી શેર્સ રૂ.28ની કિંમતે ઓફર કરવામાં આવ્યા હતા.
વીર ગ્લોબલ ઈન્ફ્રાકંસ્ટ્રક્શન રીયલ એસ્ટેટ કંપની છે, જે મુખ્યત્વે કમર્શિયલ, રેસિડેન્શિયલ, રિયલ એસ્ટેટ અને એફોર્ડેબલ હાઉસિંગ પ્રોજેક્ટ્સ હાથ ધરે છે. કંપનીના પ્રોજેક્ટ્સ મુંબઈ, વસઈ, ઉમરોલી, બોઈસર, વિરાર અને શહાડમાં ચાલી રહ્યા છે.
BSE SME પ્લેટફોર્મ પર લિસ્ટેડ 329 કંપનીઓએ 19 ઓક્ટોબર, 2020 સુધીમાં રૂ.3,374.88 કરોડની રકમ એકત્ર કરી છે અને તેમનું કુલ માર્કેટકેપિટલાઈઝેશન રૂ.21,287.90 કરોડ છે. બીએસઈ આ ક્ષેત્રમાં 61 ટકાના બજાર હિસ્સા સાથે માર્કેટ લીડર છે.
