મુંબઈઃ હજી થોડા સમય પહેલાં કાર ખરીદનારા ગ્રાહકો એન્જિનની ક્ષમતા, આરામાદાયક સફર, કારની અંદરનાં ફીચર્સને ધ્યાનમાં રાખીને કાર ખરીદતા હતા, ઉપરાંત વિશ્વભરના કાર ઉત્પાદકો પણ ગ્રાહકોની સુવિધા અને મહત્ત્વનાં ફીચર્સ ધ્યાનમાં રાખતાં હતાં, પણ હવે કોવિડ-19ના વર્તમાન સમયમાં કારમાં વાઇરસ સામે લડવાની ક્ષમતા ધરાવતી ટેક્નોલોજી છે કે નહીં- એ વિશેષ ધ્યાન રાખે છે. વર્તમાન સમયમાં હવે આ રોગચાળાથી કાર કેટલી સલામત છે, એને સંબંધિત ચિંતાઓને ધ્યાનમાં રાખતાં અનેક કાર ઉત્પાદકો તેમનાં વાહનો વાઇરસ અને બેક્ટેરિયાથી મુક્ત હોવાથી સજ્જ હોવાના દાવા કરી રહ્યા છે. અનેક કારઉત્પાદકો તેમના વાહનો વાઇરસ અને બેક્ટેરિયાથી મુક્ત કરવાની ટેક્નોલોજી તરફ ધ્યાન આપી રહ્યા છે. 
ફિયાટે યુરોપિયન બજારોમાં 500 હાઇબ્રિડ વાહનો લોન્ચ કર્યાં
તાજેતરમાં ફિયાટે યુરોપિયન બજારોમાં 500 હાઇબ્રિડ અને પાંડા હાઇબ્રિડ વાહનો લોન્ચ કર્યાં. કંપનીએ બંને કાર્સ ડી-ફેન્સ (જંતુમુક્ત) રીતે તૈયાર કહ્યું હોવાનું કહ્યું હતું. કંપનીએ આ કારોમાં સ્ટિયરિંગ, ડેશબોર્ડ અનમે સીટો પર કોઈ પણ પ્રકારના વાઇરસ ખતમ થવા સાથે ઊંચી ક્ષમતાવાળા એર ફિલ્ટર, પ્યોરિફાયર અને uV લાઇટ ટેક્નિકથી સજ્જ હોવાનું જણાવ્યું હતું. આમાં UV લાઇટ વૈજ્ઞાનિક રીતે કોરોના વાઇરસ સામે અસરકારક હોવાનું સાબિત નથી થતું પણ જંતુનાશક તરીકે કામ કરવાની ખાતરી કાર ખરીદતા ગ્રાહકો પર પ્રભાવ અવશ્ય પાડે છે.
MG બ્રાન્ડની માલિકીની ચાઇનીઝ ઓટો કંપની SAICએ દાવો કર્યો છે કે તેની કેટલીક કારોમાં પણ UV લ્મ્પ છે, જ્યારે તેની પ્રતિસ્પર્ધી ગ્વાંગઝોઉ ઓટોમોબાઇલે પણ દાવો કર્યો છે કે તેની કારમાં હવે ટ્રિપલ ફિલટરેશન સિસ્ટમ છે.
SUVમાં એડવાન્સ્ડ ફિલ્ટરકેશન સિસ્ટમ
વોલ્વો અને લોટસની માલિક કંપની ગિલી અગાઉની આઇકોન- તેની નવા લોન્ચ થયેલી કોમ્પેક્ટ SUV પર દાવો કરતાં કહે છે કે આ SUVમાં એડવાન્સ્ડ ફિલ્ટરકેશન સિસ્ટમ છે, અને એ એર પ્યોરિફિકેશન અને કોરોન વાઇરસ જેવા વાઇરસને ફિલ્ટર કરવાની ક્ષમતા ધરાવે છે. વળી, કંપનીએ જણાવે છે કે આ ફિલ્ટરેશન સિસ્ટમ N95- સર્ટિફાઇડ છે.
નિષ્ણાતો આને માર્કેટિંગ ગિમિક્સ કહે છે
વળી હાલમાં એક પેઇન્ટ કંપનીએ પણ જણાવ્યું હતું કે તેણે વાહનો માટે એન્ટિ-વાઇરસ કોટિંગ વિકસાવ્યું છે.
નિષ્ણાતો કારઉત્પાદકોમાં આવેલાં આ પરિવર્તનોને કેવી રીતે જોઈ રહ્યા છે? કેટલાક લોકો દાવો કરી રહ્યા છે કે સ્ટરિલાઇઝેશન ટેક્નોલોજી થોડા સમયથી કાર્યરત હતી, અને કોવિડ-19એ આ પ્રક્રિયાને ઝડપી બનાવી છે, જ્યારે કેટલાક આને માર્કેટિંગ ગિમિક્સ (જૂઠાણું) કહી રહ્યા છે.
કંપનીઓ ગ્રાહકોને આકર્ષવાના પેંતરા
કંપનીઓ કોવિડ-19ના સમયમાં ગ્રાહકોને પોતાનાં ઉત્પાદનો અને સર્વિસિસને ઊંચા પ્રીમિયમે વેચવા માટે આ ડરનો એડવાન્ટેજ લેવાના પ્રયાસો કરી રહ્યા છે, એમ ચાઇના માર્કેટ રિસર્ચના MD શૌન રેને કહ્યું હતું.ઓટો ઉત્પાદકો હવે વાઇરસ સામે તેમની કારને સલામત હોવાનું કાર ખીદરનારા ગ્રાહકોને ઠસાવી રહ્યા છે. હું ડોક્ટર કે વૈજ્ઞાનિક નથી, પરંતુ હું ગ્રાહકોને ચેતવવા માગું છે કે કોઈ કંપની તેમનાં ઉત્પાદનો વાઇરસનું સમક્રમણ ઘટાડે છે- ખાસ કરીને કોવિડ-19 સામે સલામત હોવાના દાવા કરે તો ભોળવાશો નહીં, એમ તેમણે કહ્યું હતું.
હાનિકારક વાઇરસ સામે સુરક્ષિત
દેશમાં પણ કાર કંપનીઓ અને અનેક સર્વિસિસ દાવા કરે છે કે તેમનાં વાહનો હાનિકારક વાઇરસ સામે સુરક્ષિત છે. ભારતી શહેરોમાં વધતા પ્રદૂષણના સ્તરેને કારણે બજારમાં નવી કેટલીક કારો પર એર પ્યોરિફાયર્સ સાથે આવી રહી છે.
શું કારમાંની ટેક્નોલોજી ખરેખર અસરકારક રીતે વાઇરસ સામે સુરક્ષાની બાંયધરી આપી શકવા સક્ષમ છે, એ જોવાનું બાકી છે, પણ આ સર્વિસિસ જીવાણુનાશક હોવાના દાવા હજી પણ અસ્પષ્ટ છે. જેથી ચેતતો નર સદા સુખી.
