રિલાયન્સ ઇન્ડસ્ટ્રીઝના રાઇટ ઇશ્યુમાં સબસ્ક્રાઇબ કરવાનાં પાંચ કારણો

મુંબઈઃ રિલાયન્સ ઇન્ડસ્ટ્રીઝ લિમિટેડનો રૂ. 53,225 કરોડનો મેગા રાઇટ ઇશ્યુ 20 મે શેરધારકો માટે સબસ્ક્રિપ્શન માટે ખૂલ્યો હતો. આ પહેલો એવો ઇશ્યુ છે, જેમાં શેરહોલ્ડરોને તેમના રાઇટ શેર (રાઇટ એન્ટાઇલમેન્ટ્સ-RE’s) ડીમેટમા સીધા મળશે અને એના શેર સ્ટોક એક્સચેન્જીસ પર ટ્રેડ થઈ શકશે.

RE’sની કિંમત એ રિલાયન્સના શેરની ઇનટ્રિનસિક વેલ્યુ અને રાઇટ ઇશ્યુ પ્રાઇસ રૂ. 1257 વચ્ચેનો તફાવત છે.  રિલાયન્સની VWAP રૂ. 1442.3, RE’sની ઇનટ્રિનસિક વેલ્યુ શુક્રવારે રૂ. 185.3 હતી (રૂ. 1442.3 અને રાઇટ ઇશ્યુ પ્રાઇસ રી. 1257 વચ્ચેનો તફાવત).

સ્ટોટ એક્સચેન્જ પર રિલાયન્સના RE’sનો લિસ્ટિંગના પહેલા ત્રણ દિવસમાં રૂ. 1000 કરોડના સોદા થયા હતા. વાસ્તવમાં આ RE’s ટ્રેડ-ટુ-ટ્રેડ સેગમેન્ટમાં લિસ્ટેડ થયા હતા, જેથી બાયર્સે RE’sની ફરજિયાત ડિલિવરી લેવી જ પડે.  આ RE’sમાં ટ્રેડ કરવા ઇન્ટ્રા-ડેની મંજૂરી નથી સ્ટોક એક્સચેન્જીસ પર લિસ્ટિંગના પહેલા ત્રણ દિવસમાં રિલાયન્સ RE’sના પાંચ કરોડથી વધુના સોદા થયા હતા. હાલમાં રિલાયન્સના RE’નું બજાર મૂલ્ય રૂ. 9200 કરોડ છે. કંપની આ રાઇટ ઇશ્યુમાં શેરદીઠ રૂ. 1257ની કિંમતે પ્રતિ 14 શેરે એક શેર આપશે.

રિલાયન્સના રાઇટ ઇશ્યુમાં અરજી કરવાનાં પાંચ કારણો

  • વર્તમાનમાં દેશમાં રિલાયન્સ ઇન્ડસ્ટ્રીઝ લિ. (RIL) ડિજિટલ અને રિટેલ બિઝનેસિસમાં માર્કેટ લીડર છે. CNBC-TV-18ના ડેટા મુજબ RIL-REનું ટ્રેડિંગ 25 ટકા પ્રીમિયમે થતું હતું. નિષ્ણાતોના જણાવ્યા મુજબ આ બંને સેગમેન્ટ્સ આગામી કેટલાંક વર્ષોમાં કંપનીના વિકાસ માટે ચાવીરૂપ ક્ષેત્રો છે. આગામી વર્ષોમાં ટેલિકોમ અને રિટેલ વેપાર કંપની માટે મહત્ત્વનો વિકાસ કરશે, એમ તેમણે કહ્યું હતું.
  • રિલાયન્સના જિયો પ્લેટફોર્મ્સે ફેસબુક, સિલ્વર લેક, વિસ્ટા ઇક્વિટી પાર્ટનર્સ, જનરલ એટલાન્ટિક અને KKR સહિતના અગ્રણી ટેક્નોલોજી રોકાણકારો પાસેથી રૂ. 78,562 કરોડ ઊભા કર્યા છે. આ નાણાં કંપનીને એનાં દેવાં ચૂકવવામાં મદદ કરશે.
  • મોતીલાલ ઓસવાલના મતે રિલાયન્સનો કન્ઝ્યુમર અને ટેલિકોમ બિઝનેસિસનો કંપનીના વેપાર-વ્યવસાયમાં 78 ટકા હિસ્સો છે. બ્રોકરેજ હાઉસના મતે રિલાયન્સના રિટેલ બિઝનેસનું મૂલ્ય શેરદીઠ રૂ. 500, ડિજિટલ વેપારનું શેરદીઠ રૂ. 760 અને કોર બિઝનેસનું મૂલ્ય પ્રતિ શેર રૂ. 358 છે.
  • RILની ડિજિટલ સર્વિસિસ એટલે કે જિયોનું નાણાકીય વર્ષ 2020માં 40 ટકા ગ્રોથ સાથે માર્જિન 18 ટકાથી સુધરીને 20 ટકા થયો છે. RILનો રિટેઇલ બિઝનેસનું નાણાકીય વર્ષ 2020માં માર્જિન નાણાકીય વર્ષ 2019ના 4.2 ટકાથી સુધરીને 5.1 ટકા થયું છે, જેમાં ગયા વર્ષની તુલનાએ રેવેન્યુ ગ્રોથ 25 ટકા થયો છે.                         અમે રોકાણકારોને રિલાયન્સ ઇન્ડસ્ટ્રીઝ લિ.ના રાઇટ ઇશ્યુમાં સબસ્ક્રાઇબ કરવાની ભલામણ કરીએ છીએ, કેમ કે અમે કંપનીના ડિજિટલ અને રિટેલ બિઝનેસમાં ભાવિ ગ્રોથ પ્રત્યે આશાવાદી છીએ, એમ કહેતાં રોયે ઉમેર્યું હતું કે રિલાયન્સે ટેલિકોમ અને રિટેલ ક્ષેત્રે માર્કેટ લીડરની પોઝિશન મેળવશે.
  • RILના પ્રમોટરો અને પ્રમોટર કંપનીઓ કંપનીમાં 50.7 ટકાનો હિસ્સો ધરાવે છે. તેઓ તેમના હકના સંપૂર્ણ શેર ખરીદવાની અને રાઇટ્ય ઇશ્યુમાં તમામ નહીં વેચાયેલા શેરોને સબસ્ક્રાઇબ (ખરીદવા)ની ખાતરી આપે છે. વિશ્લેષકો કહે છે કે કંપનીના ભાવિ વિકાસમાં આ પ્રમોટરની પ્રતિબદ્ધતાને વ્યક્ત કરે છે.
રિલાયન્સના રાઇટ ઇશ્યુમાં  કઈ રીતે અરજી કરશો (છેલ્લી તારીખ ત્રીજી જૂન, 2020)

  1. જો તમારી પાસે 14 મેએ રિલાયન્સના શેર્સ છે, તો તમે રાઇટ્સ શેરની અરજી કરવા હકદાર છો. આ માટેના એન્ટાઇટલમેન્ટ હાલમાં તમારા ડીમેટ ખાતામાં બતાવવામાં આવ્યા છે.
  2. કોઈ મહત્તમ મર્યાદા નથી, તમે આ ઇશ્યુમાં સંખ્યબંધ શેર્સ માટે અરજી કરી શકો છો.
  3. તમારા રાઇટ્સના શેરની ફાળવણી માટે તમને બાંયધરી આપવામાં આવે છે (એટલે કે શેરદીઠ 15 શેરે એક રાઇટ્સ શેર માટે તમે હકદાર છો.
  4. જો તમે તમારા રાઇટ્સ કરતાં વધુ શેરો માટે અરજી કરશો તો એ શેરો માટે કંપની દ્વારા નક્કી કરવામાં આવશે.
  5. જો તમે આ રાઇટ્સ શેર અરજી કરવા ના માગતા હો તો તમે સ્ટોક માર્કેટમાં તમારા અન્ય શેરની જેમ એને વેચી શકો છો.
  6. જો તમે શેરબજારમાં આ શેરો વેચવા માગતા હોતો આ વિકલ્પ 20 મેથી તમને મળશે, જેનો હાલનો ભાવ રૂ. 163 છે.
  7. એ જ રીતે જો તમને રાઇટ્સના વધુ શેર જોઈતા હોય તો તમે આ શેર શેરબજારમાંથી ખરીદી શકો છો.
  8. જો તમે શેરબજારમાંથી અન્ય 100 રાઇટ્સ એન્ટાઇલમેન્ટ ખરીદો છો તો તમને કુલ 100 રાઇટ્સની ફાળવણી માટે બાંયધરી મળશે.
  9. આમાંથી 25 ટકા રકમ એટલે કે શેરદીઠ રૂ. 314.25ની ચુકવણી તમારે હાલ કરવાની રહેશે.
  10. બાકીની રકમ ભવિષ્યમાં બે હપતામાં ચૂકવવાની રહેશે. બાકીની રકમ મે, 2021માં 25 ટકા અને બાકીના 50 ટકા રકમ ડિસેમ્બર, 2021માં ચૂકવવાની રહેશે.

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]