મુંબઈ – સ્ટીલ ઓથોરિટી ઓફ ઈન્ડિયા લિ., કોટક મહિન્દ્રા પ્રાઈમ લિ., મન્નપુરમ ફાઈનાન્સ લિ. અને જેએમ ફાઈનાન્સિયલ પ્રોડક્ટ્સ લિ.એ તેમનાં કમર્શિયલ પેપરના અનુક્રમે રૂ.5,200 કરોડ, રૂ.4,050 કરોડ, રૂ.100 કરોડ અને રૂ.50 કરોડના ઈશ્યુને લિસ્ટ કરવા માટેની અરજી કરી છે. બીએસઈમાં આ ઈશ્યુઓનાં કમર્શિયલ પેપર્સ 9 જાન્યુઆરી, 2020થી લિસ્ટ થશે.
અત્યાર સુધીમાં 68 ઈશ્યુઅરોના રૂ.1,52,090 કરોડના કમર્શિયલ પેપર્સના 474 ઈશ્યુઓ લિસ્ટ કરવામાં આવ્યા છે. આ ઈશ્યુઝની સરેરાશ 144 દિવસની મુદત પરનું વેઈટેડ એવરેજ યીલ્ડ 6.12 ટકા રહ્યું છે.
બીએસઈ દેશની કંપનીઓને મૂડી એકત્ર કરવામાં સહાય કરી રહ્યું છે. બીએસઈ બોન્ડ પ્લેટફોર્મ જુલાઈ 2016માં લોન્ચ કરવામાં આવ્યું ત્યારથી અત્યાર સુધી (8 જાન્યુઆરી, 2020)માં ભારતીય કંપનીઓના રૂ.4,79,057 કરોડ (66.81 અબજ યુએસ ડોલર)ના ડેટનું લિસ્ટિંગ કરવામાં આવ્યું છે. આમાંથી બીએસઈએ સફળતાપૂર્વક રૂ.2,30,592 કરોડનું ભંડોળ (32.10 અબજ ડોલર) એકત્ર કરી આશરે 60 ટકા બજાર હિસ્સો પ્રાપ્ત કર્યો છે. છે. નાણાકીય વર્ષ 2019-20માં (8 જાન્યુઆરી, 2020) સુધીમાં બીએસઈએ સફળતાપૂર્વક રૂ.9,37,074 કરોડ (130.45 અબજ ડોલર) એકત્ર કર્યા છે.
