બાંગ્લાદેશની રાજધાની ઢાકામાં મંગળવારે એક સાત માળની ઇમારતમાં જોરદાર વિસ્ફોટ થયો હતો. આ ઘટનામાં અત્યાર સુધીમાં 14 લોકોના મોત થયા છે. 100થી વધુ લોકો ઘાયલ હોવાનું કહેવાય છે. મળતી માહિતી મુજબ, વિસ્ફોટ સ્થાનિક સમય અનુસાર સાંજે લગભગ 4.50 કલાકે થયો હતો. માહિતી મળતાની સાથે જ ફાયર બ્રિગેડની પાંચ ટુકડીઓ ઘટનાસ્થળે મોકલવામાં આવી હતી. વિસ્ફોટનું કારણ હજુ સુધી જાણી શકાયું નથી. ઘાયલોને ઢાકા મેડિકલ કોલેજ હોસ્પિટલમાં લઈ જવામાં આવ્યા છે. આ તમામને હોસ્પિટલના ઈમરજન્સી યુનિટમાં સારવાર આપવામાં આવી રહી છે.
At least 7 people killed, over 70 people injured in an explosion at a building in Bangladesh’s Dhaka: Local media
— ANI (@ANI) March 7, 2023
પ્રાથમિક તપાસમાં સામે આવ્યું છે કે આ ઈમારતમાં સેનિટરી ઉત્પાદનોના અનેક સ્ટોર્સ છે. બાજુની બિલ્ડીંગમાં BRAC બેંકની શાખા પણ છે. વિસ્ફોટના કારણે બેંકની કાચની દિવાલો તુટી ગઈ હતી. રોડની બીજી બાજુ ઉભેલી બસને પણ નુકસાન થયું હતું.
#VIDEO Más de 100 heridos y hasta ahora ocho muertos es la cifra preliminar después de la explosión en un edificio en #Dhaka, #Bangladesh. pic.twitter.com/IijvDNwxKn
— Página Negra (@LaPaginaNegraMX) March 7, 2023
અગાઉ, બાંગ્લાદેશના ચિત્તાગોંગમાં શનિવારે ઓક્સિજન પ્લાન્ટમાં વિસ્ફોટ બાદ આગમાં છ લોકોના મોત થયા હતા અને 30થી વધુ લોકો ઘાયલ થયા હતા. સ્થાનિક લોકોના જણાવ્યા અનુસાર, સીતાકુંડા ઉપજિલ્લાના કેશબપુર વિસ્તારમાં આવેલા ઓક્સિજન પ્લાન્ટમાં સાંજે લગભગ 4.30 વાગ્યે બ્લાસ્ટનો અવાજ સંભળાયો હતો. આ પછી લોકોએ આગની જ્વાળાઓ ઉછળતી જોઈ હતી. આ જ સીલમાં ફેબ્રુઆરીમાં ઢાકામાં રહેણાંક મકાનમાં આગ લાગી હતી. આ અકસ્માતમાં એક વ્યક્તિનું મોત નીપજ્યું હતું, જ્યારે ઘણા લોકો ઘાયલ થયા હતા.
