મુંબઈ: પ્રેક્ષકોનો પ્રિય ક્વિઝ રિયાલિટી શો ‘કૌન બનેગા કરોડપતિ’ ફરી એકવાર નવી સીઝન સાથે પરત ફરવા માટે તૈયાર છે. અમિતાભ બચ્ચને પણ આ શોની આગામી સિઝનનું શૂટિંગ શરૂ કરી દીધું છે. તાજેતરમાં, બિગ બીએ તેમના લોકપ્રિય શો કૌન બનેગા કરોડપતિની સીઝન 16 ના સેટ પરથી તેમની પ્રથમ તસવીર પણ શેર કરી છે. તેનો અર્થ એ કે સદીના મેગાસ્ટાર ફરી એકવાર ટીવી જગતના શ્રેષ્ઠ ક્વિઝ શો કૌન બનેગા કરોડપતિ સાથે પુનરાગમન કરવા માટે તૈયાર છે.
બિગ બીએ KBC 16ના સેટ પરથી પહેલો ફોટો શેર કર્યો
કૌન બનેગા કરોડપતિ સીઝન 16ના સેટ પરથી પોતાનો પહેલો ફોટો શેર કરતી વખતે અમિતાભ બચ્ચને કેપ્શનમાં લખ્યું – ‘KBC 16 સીઝન પર પાછા.’ મેગાસ્ટારે આ ફોટો શેર કરતાની સાથે જ નેટીઝન્સે તેના પર પ્રતિક્રિયા આપીને ઉત્સાહ વ્યક્ત કરવાનું શરૂ કરી દીધું હતું. ફોટો પર પ્રતિક્રિયા આપતાં એક યુઝરે કોમેન્ટમાં લખ્યું,’આરંભ કિયા જાયે…’ બીજાએ અમિતાભ બચ્ચનની સ્ટાઈલમાં લખ્યું,’દેવિયોં ઔર સજ્જનો…આપકા સ્વાગત હૈ’
T 5082 – BACK to KBC 16th season .. pic.twitter.com/IRxLU6r6VJ
— Amitabh Bachchan (@SrBachchan) July 25, 2024
શોની લોન્ચિંગ તારીખ જાહેર કરવામાં આવી
‘કૌન બનેગા કરોડપતિ’ એ ભારતના સૌથી પ્રતિષ્ઠિત ટેલિવિઝન ક્વિઝ રિયાલિટી શોમાંનો એક છે, જેને અમિતાભ બચ્ચન ઘણા વર્ષોથી હોસ્ટ કરી રહ્યા છે. પોતાના જ્ઞાન અને નસીબના આધારે આ શો દ્વારા ઘણા લોકોએ પોતાની કિસ્મત બદલી છે. કેટલાક કરોડપતિ બન્યા અને કેટલાક લાખપતિ બન્યા અને મુશ્કેલ જીવનમાંથી બહાર આવ્યા. તાજેતરમાં નિર્માતાઓએ શોની લોન્ચિંગ તારીખ જાહેર કરી હતી.
કોણ બનેગા કરોડપતિ ક્યારે શરૂ થાય છે?
શોના નિર્માતાઓએ તાજેતરમાં નવો પ્રોમો રિલીઝ કરીને પ્રીમિયરના સસ્પેન્સને દૂર કરી દીધું હતું. ‘કૌન બનેગા કરોડપતિ સીઝન 16’ 12 ઓગસ્ટથી શરૂ થવા જઈ રહી છે. હંમેશની જેમ દર્શકો આ લોકપ્રિય શોને સોની ટીવી અથવા સોની લિવ એપ્લિકેશન પર જોઈ શકશે. KBC સિઝન 16 ની ટેગલાઇન છે, ‘જિંદગી હૈ, હર મોડ પે સવાલ પૂછેગી, જવાબ દેના પડેગા!’ આ શો રાત્રે 9 વાગ્યે ટીવી પર પ્રસારિત થશે.
