મુંબઈ: ‘હેરા ફેરી’ થી લઈને ‘આવારા પાગલ દીવાના’ સુધીની ફિલ્મોમાં જોવા મળેલ અક્ષય કુમાર અને પરેશ રાવલની જોડીને દર્શકો પસંદ કરે છે. પરંતુ આ વખતે પડદા પર તેમની કેમેસ્ટ્રી સાવ અલગ જોવા મળશે. ખિલાડીની 2024માં આવનારી ફિલ્મ ‘સરફિરા’ નું ટ્રેલર જોયા પછી ચાહકો આ વાત કહી રહ્યા છે. આ ટ્રેલર લોકોને ખૂબ જ પસંદ આવી રહ્યું છે. જેના કારણે ‘સરફિરા’નું ટ્રેલર વાયરલ થઈ રહ્યું છે.
‘સરફિરા’ 12 જુલાઈ, 2024ના રોજ રિલીઝ થવાની છે, જેમાં અક્ષય કુમાર ઉપરાંત રાધિકા મદાન અને પરેશ રાવલ મહત્વની ભૂમિકા ભજવતા જોવા મળશે. આ ફિલ્મનું નિર્દેશન સુધા કોંગારા પ્રસાદે કર્યું છે. જ્યારે નિર્માતા સૂર્યા, જ્યોતિકા અને અરુણા ભાટિયા છે.
ઈન્સ્ટાગ્રામ પર પોતાની નવી ફિલ્મનું ટ્રેલર શેર કરતા અક્ષય કુમારે કેપ્શનમાં લખ્યું કે, સપના તે નથી જે તમે સૂતી વખતે જુઓ છો, સપના એ છે જે તમને ઊંઘવા નથી દેતા. સરફિરા આવા જ એક સપનાની વાર્તા છે, ટ્રેલર આવી ગયું છે. સરફિરા 12 જુલાઈ 2024ના રોજ સિનેમાઘરોમાં આવી રહી છે.
View this post on Instagram
ટ્રેલર શેર થતાં જ લોકોએ કમેન્ટ કરવાનું શરૂ કરી દીધું હતું. એક યુઝરે લખ્યું કે, એક ખેલાડી બધા કરતા ચડિયાતો છે. અન્ય એક યુઝરે લખ્યું, ઓલ ટાઈમ બ્લોકબસ્ટર ફિલ્મ. ત્રીજા યુઝરે લખ્યું, અક્ષય કુમાર રિયલ હીરો છે, પાજી. આ સાથે, ચાહકોએ ફાયર અને હાર્ટ ઇમોજીસ સાથે પ્રતિક્રિયા આપી છે.
નોંધનીય છે કે અક્ષય કુમારની બડે મિયાં છોટે મિયાં વર્ષ 2024માં રિલીઝ થઈ હતી, જે 350 કરોડ રૂપિયાના બજેટ સાથે માત્ર 100 કરોડ રૂપિયાની કમાણી કરી શકી હતી. તે મોટી ફ્લોપ સાબિત થઈ.
