નવી દિલ્હીઃ વિશ્વમાં ચોરે ને ચૌટે AI મોડલ ડીપસીક અને ચેટGPTની ચર્ચા થઈ રહી છે, ત્યારે કેન્દ્રીય IT મંત્રી અશ્વિની વૈષ્ણવે કહ્યું હતું કે ભારત પોતાનું AI મોડલ બનાવશે. તેમણે આ જાહેરાત ઉત્કર્ષ ઓડિશા કોન્કલેવમાં ઘોષણા કરી હતી. તેમણે કહ્યું હતું કે ભારત પણ જનરેટિવ AI લાવવાની તૈયારી કરી રહ્યું છે. ઓડિશામાં એક કાર્યક્રમમાં જાહેરાત કરતાં તેમણે કહ્યું હતું કે આ મોડેલ આ વર્ષે જ લોન્ચ કરવામાં આવશે.
તેમણે કહ્યું હતું કે ભારતમાં ઓછામાં ઓછા છ એવા મોટા ડેવલપર્સ છે, જે વધુમાં વધુ 6-8 મહિનામાં AI મોડેલ બનાવી શકે છે. તેમણે વધુમાં કહ્યું હતું કે એક મજબૂત AI ઇકોસિસ્ટમ બનાવવા માટે, એક સામાન્ય કમ્પ્યુટ સુવિધા હોવી સૌથી મહત્વપૂર્ણ છે. ભારતના AI મિશનને ધ્યાનમાં રાખીને, સરકારે શેર્ડ કમ્પ્યુટિંગ સંસાધનો સ્થાપિત કરવાને પ્રાથમિકતા આપી છે. મંત્રીએ વધુમાં જણાવ્યું હતું કે ઇન્ડિયા AI કમ્પ્યુટ ફેસિલિટીએ અપેક્ષા કરતાં સારી શરૂઆત કરી છે અને લગભગ 19,000 GPU મેળવ્યા છે. આમાંથી, 12,896 Nvidia H100 GPU અને 1480 Nvidia H200 GPU છે. આમાંથી, 10,000 GPU હાલમાં ઉપયોગ માટે તૈયાર છે. આ સુવિધા બધા માટે ખુલ્લી રહેશે અને આગામી દિવસોમાં કાર્યરત થશે.
STORY | Global AI race: India to create own foundational model, says Union Minister Ashwini Vaishnaw
READ: https://t.co/xXH504VPgv
VIDEO: #AI #ArtificialIntelligence
(Full video available on PTI Videos – https://t.co/n147TvrpG7) pic.twitter.com/tpS2MS3XbW
— Press Trust of India (@PTI_News) January 30, 2025
તેમણે કહ્યું હતું કે તેનો ડેટાસેટ ભારતની ભાષાકીય અને સાંસ્કૃતિક વિવિધતાને ધ્યાનમાં રાખીને તૈયાર કરવામાં આવશે, જેથી તેમાં કોઈ પણ પ્રકારનો પૂર્વગ્રહ ન હોય. તેમણે કહ્યું હતું કે AI મોડેલ બનાવવામાં રસ ધરાવતા ડેવલપર્સ તેમના પ્રસ્તાવો સબમિટ કરી શકે છે અને મોડેલ 6-8 મહિનામાં તૈયાર કરવું પડશે.
હાલના સમયમાં એક ચીની સ્ટાર્ટઅપના AI મોડેલે સમગ્ર ચિત્ર બદલી નાખ્યું છે. ચીને અમેરિકન કંપનીઓ કરતાં ઘણા ઓછા ખર્ચે AI મોડેલો વિકસાવ્યાં છે.
