ભારતની સૌથી લોકપ્રિય એવોર્ડ ઇવેન્ટ્સમાંની એક, ઇન્ટરનેશનલ ઇન્ડિયન ફિલ્મ એકેડમી એવોર્ડ્સ (IIFA)23 વર્ષથી ચાલી રહી છે. આઈફાની શરૂઆત વર્ષ 2000માં થઈ હતી. દર વર્ષે આયોજિત થનાર અવોર્ડ સમારોહ આ વખતે અબુ ધાબીના યાસ આઇલેન્ડમાં આયોજિત કરવામાં આવશે. છેલ્લા બે વર્ષથી આ ભવ્ય કાર્યક્રમનું આયોજન અબુ ધાબીમાં જ થઈ રહ્યું છે. ખાસ વાત એ છે કે આ વખતે શાહરૂખ ખાન અને કરણ જોહર એકસાથે આઈફા 2024 હોસ્ટ કરતા જોવા મળશે. આ એવોર્ડ સમારોહનું સ્થળ એક જ છે, પરંતુ હોસ્ટ બદલાઈ ગયો છે.
IIFA 2024 ક્યારે શરૂ થશે?
IIFA 2024 27 થી 29 સપ્ટેમ્બર દરમિયાન અબુ ધાબીના યાસ આઇલેન્ડ ખાતે યોજાશે અને સુપરસ્ટાર શાહરૂખ ખાન અને ફિલ્મ નિર્માતા કરણ જોહર દ્વારા હોસ્ટ કરવામાં આવશે. બંનેની સેન્સ ઓફ હ્યુમર અદભૂત છે, તેથી એમ કહેવું ખોટું નહીં હોય કે આ વખતે પણ આ સમારોહ ખૂબ જ મજેદાર અને મનોરંજક હશે. 24માં ઈન્ટરનેશનલ ઈન્ડિયન ફિલ્મ એકેડમી એવોર્ડ્સમાં આ વખતે વધુ ધમાકો થવા જઈ રહ્યો છે. દર વર્ષની જેમ આ વખતે પણ લોકો આઈફા એવોર્ડ 2024ની આતુરતાથી રાહ જોઈ રહ્યા છે.
શાહરૂખ ખાન IIFA 2024 ના હોસ્ટ બન્યા
IIFA 2024 હોસ્ટ કરવા વિશે પોતાના વિચારો શેર કરતા શાહરૂખ ખાને કહ્યું, ‘IIFA એ ભારતીય સિનેમાનો સૌથી મોટો ઉત્સવ છે, જેની દરેક વ્યક્તિ રાહ જુએ છે. ફરી એકવાર, અમને આ એવોર્ડ ઇવેન્ટ હોસ્ટ કરીને બધાને હસાવવાનો મોકો મળશે. આ વખતે પણ બોલીવુડ સ્ટાર્સ IIFA એવોર્ડ 2024ના મંચ પર ખૂબ જ મસ્તી કરતા જોવા મળશે.’
કરણ જોહર પોતાનો જાદુ બતાવશે
કરણ જોહર પણ શાહરૂખ ખાન સાથે ઈન્ટરનેશનલ ઈન્ડિયન ફિલ્મ એકેડમી એવોર્ડ 2024 હોસ્ટ કરતો જોવા જઈ રહ્યો છે. આઈફા સાથે પોતાની ખુશી શેર કરતા તેણે કહ્યું,’હું બે દાયકાથી વધુ સમયથી તેનો ભાગ છું. હું ખૂબ જ ખુશ છું કે હું શાહરૂખ ખાન સાથે આ ઈવેન્ટને હોસ્ટ કરવા જઈ રહ્યો છું.’
