મહિલા T20I WC ફાઈનલમાં ભારતની હાર; ઓસ્ટ્રેલિયા ફરી વિજયી…

મેલબર્ન ક્રિકેટ ગ્રાઉન્ડ ખાતે મહિલાઓની T20I વર્લ્ડ કપની 8 માર્ચ, રવિવારે રમાઈ ગયેલી ફાઈનલ મેચમાં ભારતનો ગયા વખતના ચેમ્પિયન્સ ઓસ્ટ્રેલિયા સામે 85-રનથી નિરાશાજનક પરાજય થયો. આખરી સ્કોર આ મુજબ રહ્યોઃ ઓસ્ટ્રેલિયાઃ 184-4 (20), ભારતઃ 99 (19.1). ઓસ્ટ્રેલિયાએ આ પાંચમી વખત T20I વર્લ્ડ કપ સ્પર્ધા જીતી છે. ભારતે આ પહેલી જ વાર આ સ્પર્ધાની ફાઈનલમાં પ્રવેશ કર્યો હતો. ઓસ્ટ્રેલિયાની કેપ્ટન મેગ લેનિંગે ટોસ જીતીને પહેલા બેટિંગ પસંદ કરી હતી. વિકેટકીપર એલિસા હિલી (75) અને બેથ મૂની (78 નોટઆઉટ)ની ઓસ્ટ્રેલિયાની ઓપનિંગ જોડીએ 115 રનની ભાગીદારી કરી હતી. એલિસા હિલીને ‘પ્લેયર ઓફ ધ ફાઈનલ મેચ’ અને બેથ મૂનીને ‘પ્લેયર ઓફ ધ સિરીઝ’ ઘોષિત કરવામાં આવી હતી.








એલિસા હિલી જ્યારે 9 રન પર હતી ત્યારે એનો કેચ પડતો મૂકનાર અને બાદમાં બેટિંગમાં માત્ર બે જ રન કરી શકનાર શેફાલી વર્મા ટીમના પરાજયથી નિરાશ થઈ ગઈ હતી.
























































ઓસ્ટ્રેલિયાનાં દંતકથા સમાન ટેનિસ ખેલાડી બિલી જીન-કિંગ રનર્સ-અપ ભારતીય ટીમની ખેલાડીઓને મેદાન પર જઈને મળ્યાં હતાં અને એમની સાથે પ્રોત્સાહક વાતો કરી હતી.




[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]