ભારત-દક્ષિણ આફ્રિકા પહેલી ટેસ્ટઃ વરસાદે બીજા દિવસની રમત ધોઈ નાખી

વરસાદ અને ભીના આઉટફિલ્ડને કારણે સેન્ચુરિયનના સુપરસ્પોર્ટ પાર્ક મેદાન પર ભારત અને દક્ષિણ આફ્રિકા વચ્ચેની પહેલી ટેસ્ટ મેચમાં 27 ડિસેમ્બર, સોમવારે બીજા દિવસની રમત એકેય બોલ નખાયા વિના પડતી મૂકી દેવી પડી. આવતીકાલે, મંગળવારે હવામાન સાફ રહેવાની આગાહી કરાઈ છે. રવિવારે પહેલા દિવસે વિરાટ કોહલીએ ટોસ જીતીને પહેલા બેટિંગ કરવાનું પસંદ કર્યું હતું. ભારતે દિવસની રમતને અંતે 3 વિકેટના ભોગે 272 રન કર્યા હતા. વાઈસ-કેપ્ટન કે.એલ. રાહુલ 122 અને અજિંક્ય રહાણે 40 રન સાથે દાવમાં હતો. ભારતે આ ત્રણ વિકેટ ગુમાવી છેઃ મયંક અગ્રવાલ 60, ચેતેશ્વર પૂજારા ઝીરો અને કોહલી 35. ભારતની ત્રણેય વિકેટ દક્ષિણ આફ્રિકાના ફાસ્ટ બોલર લૂંગી એન્ગીડીએ લીધી છે.

(તસવીર સૌજન્યઃ આઈસીસી, બીસીસીઆઈ ટ્વિટર)

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]