આઈપીએલ-11 સ્પર્ધાની 11 એપ્રિલ, બુધવારે જયપુરમાં સવાઈ માનસિંહ સ્ટેડિયમ ખાતે રમાઈ ગયેલી 20-20 મેચમાં રાજસ્થાન રોયલ્સ ટીમે દિલ્હી ડેરડેવિલ્સને D/L મેથડ અનુસારના પરિણામમાં 10-રનથી પરાજય આપ્યો હતો. વરસાદના વિઘ્નવાળી આ મેચમાં રાજસ્થાન ટીમે 17.5 ઓવરમાં 5 વિકેટે 153 રન કર્યા હતા. તેના જવાબમાં, દિલ્હીની ટીમ જીત માટે 6 ઓવરમાં 71 રનનો નવો ટાર્ગેટ મળ્યા બાદ 6 ઓવરમાં 4 વિકેટે માત્ર 60 રન કરી શકી હતી. રાજસ્થાનના સંજુ સેમસન (37)ને મેન ઓફ ધ મેચ ઘોષિત કરવામાં આવ્યો હતો.
