[caption id="attachment_109439" align="aligncenter" width="602"]
પ્રિયંકા ગાંધીએ દેશનાં રાજકારણમાં ધમાકેદાર રીતે પ્રવેશ કર્યો છે. સગાં ભાઈ અને કોંગ્રેસનાં પ્રમુખ રાહુલ ગાંધીએ પ્રિયંકાને પાર્ટીનાં મહામંત્રી બનાવ્યાં છે અને આગામી લોકસભા ચૂંટણીમાં પાર્ટીને જીત અપાવવા માટે પૂર્વીય ઉત્તર પ્રદેશનો હવાલો સોંપ્યો છે. પ્રિયંકા 11 ફેબ્રુઆરી, સોમવારે ઉત્તર પ્રદેશના પાટનગર લખનઉ પહોંચ્યાં હતાં જ્યાં તેઓ ત્રણ દિવસ રહેવાનાં છે. આજે એમણે શહેરમાં ભવ્ય, મેગા રોડશો કર્યો હતો. અમૌસી એરપોર્ટથી પાર્ટીના મુખ્યાલય નેહરુ ભવન સુધી 20 કિ.મી.નો રોડશો રહ્યો હતો. રોડશોમાં પાર્ટીનાં કાર્યકર્તાઓ અને સમર્થકો હજારોની સંખ્યામાં હાજર રહ્યા હતા. પાર્ટીમાં પ્રિયંકાની સાથે રાહુલ તથા પક્ષના બે સિનિયર નેતા - જ્યોતિરાદિત્ય સિંધિયા અને રાજ બબ્બર પણ જોડાયા હતા. પ્રિયંકા ઉત્તર પ્રદેશની પાંચ-દિવસની મુલાકાતે આવ્યાં છે.[/caption]
