અંબાણીના નિવાસસ્થાને ગણેશ ચતુર્થીની ભવ્ય રીતે ઉજવણી કરાઈ…
દેશનાં ઉદ્યોગપતિ નંબર-1 મુકેશ અંબાણીનાં મુંબઈના નિવાસસ્થાન 'એન્ટિલીયા' ખાતે 2 સપ્ટેંબર, સોમવારે ગણેશ ચતુર્થીની ધામધૂમથી ઉજવણી કરવામાં આવી હતી. અંબાણીના પુત્ર આકાશનાં લગ્ન બાદ પુત્રવધુ શ્લોકા સાથે પરિવારની આ પહેલી જ ગણેશ ચતુર્થી હોઈ તેની ધામધૂમથી ઉજવણી કરવાનું અંબાણી પરિવારે નક્કી કર્યું હતું. એવી જ રીતે, પુત્રી ઈશા પણ આનંદ પિરામલને પરણી ગઈ હોવાથી અંબાણી પરિવારે પુત્રી અને જમાઈને પણ ગણેશ ચતુર્થી ઉજવણીમાં આમંત્રિત કર્યા હતા. ઉજવણી કાર્યક્રમમાં બોલીવૂડ તથા ક્રિકેટ જગતની અનેક હસ્તીઓએ હાજરી આપી હતી, જેમાં અમિતાભ બચ્ચન, સચીન તેંડુલકર, શિવસેના પ્રમુખ ઉદ્ધવ ઠાકરેનો સમાવેશ થાય છે. આમંત્રિતો માટે 'ભારતીય પહેરવેશ'નો ડ્રેસ કોડ રાખવામાં આવ્યો હતો.
