દિલ્હી વિધાનસભા ચૂંટણી 2020 માટે આજે મતદાન થઈ રહ્યું છે. કુલ 70 સીટ માટે 672 ઉમેદવાર મેદાનમાં છે. આ વખતે પણ મુખ્ય સ્પર્ધા તો ભાજપ અને AAP વચ્ચે જ દેખાય છે. જોકે, કોંગ્રેસનો દાવો છે કે દિલ્હીના પરિણામો સૌને માટે આશ્ચર્યજનક રહેશે. CAA વિરોધી પ્રદર્શનનું કેન્દ્ર બનેલું શાહીન બાગમાં પાંચ પોલિંગ બૂથ છે. અહીં સુરક્ષા વ્યવસ્થાની વિશેષ તૈયારી કરવામાં આવી છે.
માતાના આશીર્વાદ લઈને મતદાન કરવા નિકળતા દિલ્હીના મુખ્યમંત્રી અરવિંદ કેજરીવાલ
મુખ્યમંત્રી અરવિંદ કેજરીવાલે પરિવાર સાથે કર્યું મતદાન
અભિનેત્રી તાપસી પન્નુએ પરિવાર સાથે દિલ્હીમાં મતદાન કર્યું. સોશિયલ મીડિયા પર મતદાનની તસવીર શેર કરીને લખ્યું કે, પન્નુ પરિવાર મતદાન કરી દીધું તમે કર્યું કે નહીં?
રાષ્ટ્રપતિ રામનાથ કોવિંદે પત્ની સાથે મતદાન કર્યું હતું.
આ ચૂંટણીમાં ભાજપના પ્રવેશ વર્મા તેમના નિવેદનોને લીધે ખૂબ ચર્ચામાં રહ્યા. પ્રવેશ વર્માએ મટિયાલા બેઠક પરથી મતદાન કર્યું.
દિલ્હીમાં સવારથી જ મતદાનને લઈને ખૂબ જ ઉત્સાહ જોવા મળ્યો હતો. પૂર્વ વડાપ્રધાન મનમોહન સિંહ નિર્માણ ભવન સ્થિત મતદાન મથકે મત આપ્યો હતો.
દિલ્હીના નાયબ મુખ્યમંત્રી મનિષ સિસોદિયાએ મતદાન કરી જીતનો વિશ્વાસ દર્શાવ્યો હતો.
કેન્દ્રીય સ્વાસ્થ્ય મંત્રી હર્ષવર્ધન કૃષ્ણાનગરમાં તેમની માતા સાથે મતદાન કરવા પહોંચ્યા હતાં. 
પહેલવાન સુશીલ કમારે તેમની પત્ની સાથે બપરોલામાં મતદાન કર્યું.
મતદાન કરીને પરત ફરતા રાહુલ ગાંધી
પ્રિયંકા ગાંધી વાડ્રા અને રોબર્ટ વાડ્રા મતદાન માટે લોધી એસ્ટેટ પહોંચ્યા હતા. સાથે તેમનો પુત્ર રિહાન વાડ્રા પણ હતો રિહાને પ્રથમ વખત મતદાન કર્યું.
સાઉથ એક્સટેંશન પાર્ટ 2ના એક બુથ પર મતદાન કરવા પહોંચ્યા ભાજપના સાંસદ મીનાક્ષી લેખી
સોનિયા ગાંધીએ પુત્રી પ્રિયંકા ગાધી સાથે મતદાન કર્યું.
કોંગ્રેસનાં ચાંદની ચોકના ઉમેદવાર અલકા લાંબા બૂથ નંબર 126 પર મતદાન માટે પહોંચ્યા હતા. આ દરમિયાન આપના કાર્યકર્તાઓ પણ હાજર હતા. ત્યારે કોંગી ઉમેદવાર અલકા લાંબાએ આપના કાર્યકર્તાને થપ્પડ મારી હતી.
ચૂંટણી કમિશ્નર સુશીલ ચંદ્રા અને તેમની પત્ની નીલુ ચંદ્રાએ ન્યૂ મોતીબાગ ખાતે મતદાન કર્યું.
વિદેશ પ્રધાન એસ જયશંકરે દિલ્હીના એનડીએમસી સ્કુલ ખાતે મતદાન કર્યું. તેમણે કહ્યું કે મતદાન માટે બધાનું બહાર આવવું જરૂરી છે.
બીજેપીની વરિષ્ઠ નેતા લાલ કૃષ્ણ અડવાણીએ પુત્રી પ્રતિભા અડવાણી સાથે ઔરંગજેબ લેન ખાતે મતદાન કર્યું.
મુખ્ય ચૂંટણી કમિશ્નર સુનિલ અરોરાએ નિર્માણ ભવન ખાતે મતદાન કર્યું.
