કોરોના વાઈરસ બીમારીના ચેપને કારણે 25 માર્ચથી લાગુ કરાયેલા દેશવ્યાપી લોકડાઉનને કારણે મનોરંજન જગતની તમામ પ્રવૃત્તિઓ બંધ કરી દેવામાં આવી હતી. પરંતુ હવે સરકાર ઘોષિત ‘અનલોક’ને પગલે જ મુંબઈમાં ટીવી સિરિયલોનું શૂટિંગ ફરી શરૂ કરવામાં આવ્યું છે. લોકપ્રિય હિન્દી સિરિયલ ‘ભાભીજી ઘર પર હૈં’નું મુંબઈના સ્ટુડિયોમાં 29 જૂન, સોમવારથી શૂટિંગ શરૂ કરાયું છે. એ માટે સરકાર દ્વારા ઘોષિત આરોગ્યને લગતી તમામ કાળજી અને સાવધાની રાખવામાં આવી રહી છે.
