વોટર બેબીઃ શ્રુતિનાં સૌંદર્યનું અન્ડરવોટર ફોટોશૂટ…

દક્ષિણ ભારતીય ફિલ્મોની અભિનેત્રી શ્રુતિ હાસન નવી નવી પોસ્ટ દ્વારા સોશિયલ મિડિયા પર તેનાં પ્રશંસકો સાથે સંકળાયેલી રહેતી હોય છે. 27 જૂન, શનિવારે એણે પોસ્ટ કરેલી તસવીરો વિશેષ એ રીતે છે કે તે અન્ડરવોટર શૂટ કરવામાં આવી છે.

પીઢ અભિનેતા કમલ હાસન અને એની અભિનેત્રી પત્ની સારિકાની મોટી પુત્રી શ્રુતિએ બે પ્રકારની તસવીરો પોસ્ટ કરી છે – એકમાં તે બ્લેક એન્ડ વ્હાઈટમાં છે જ્યારે બીજી તસવીરમાં એ રંગબેરંગી વસ્ત્રમાં દેખાય છે. શ્રુતિ બહુ જ સુંદર દેખાય છે અને પ્રશંસકોએ એને વખાણી છે.

કેપ્શનમાં શ્રુતિએ લખ્યું છેઃ ‘વોટર બેબી’. શ્રુતિની આ તસવીરોને લાખો વ્યૂઝ મળ્યા છે.

દક્ષિણ ભારતીય ઉપરાંત હિન્દી ફિલ્મોમાં પણ ચમકેલી શ્રુતિ સારી ગાયિકા પણ છે. બોલીવૂડમાં એ અત્યાર સુધીમાં ‘વેલકમ બેક’, ‘રમૈયા વસ્તાવૈયા’, ‘ગબ્બર ઈઝ બેક’, ‘લક’, ‘ડી-ડે’, ‘બહન હોગી તેરી’, ‘રોકી હેન્ડસમ’ અને ‘તેવર’ ફિલ્મોમાં ચમકી હતી.

એણે કેપ્શનમાં વધુમાં લખ્યું છેઃ ‘હું ગમે ત્યાં ડાન્સ કરી શકું છું.’