હિન્દી ફિલ્મો અને ટીવી સિરિયલોની અભિનેત્રી મૌની રોય 28 સપ્ટેમ્બર, સોમવારે તેનો 35મો જન્મદિવસ ઉજવી રહી છે. હાલ તે માલદીવ ટાપુરાષ્ટ્રમાં છે અને ત્યાંના ખુશનુમા વાતાવરણમાં જન્મદિવસ ઉજવે છે. પોતાની આ તસવીરો એણે સોશિયલ મિડિયા પર શેર કરી છે.
1985ની 28 સપ્ટેમ્બરે જન્મેલી મૌનીએ તેની અભિનય કારકિર્દી ટીવી સિરિયલથી કરી હતી. એકતા કપૂરની ‘ક્યૂંકી સાસ ભી કભી બહુ થી’ સિરિયલમાં એણે એક આજ્ઞાકારી પુત્રીનો રોલ કર્યો હતો. તે પછી એ ‘દેવોં કે દેવ… મહાદેવ’માં ‘સતી બની હતી, ‘નાગિન’માં ‘શિવાંગી’ બની હતી. અક્ષય કુમાર સાથે ‘ગોલ્ડ’ એની પહેલી બોલીવૂડ ફિલ્મ હતી. એની નવી ફિલ્મ આવી રહી છે ‘બ્રહ્માસ્ત્ર’.
