ફિલ્મ નિર્માતા, રિયલ એસ્ટેટ ડેવલપર આનંદ પંડિતની પાર્ટીમાં બોલીવુડ ઉમટ્યું…
જાણીતા ફિલ્મ નિર્માતા, ફિલ્મ વિતરક અને રિયલ એસ્ટેટ ડેવલપર આનંદ પંડિતે પોતાના 60મા જન્મદિવસ અને એમની કંપની ‘લોટસ ડેવલપર્સ’ની સ્થાપનાનાં 20 વર્ષની સમાપ્તિની ઉજવણી નિમિત્તે 21 ડિસેમ્બર, ગુરુવારે મુંબઈમાં ભવ્ય પાર્ટીનું આયોજન કર્યું હતું. તેમાં બોલીવુડની અનેક ટોચની સેલિબ્રિટીએ હાજરી આપી હતી. અમિતાભ બચ્ચનને વિશેષ અતિથિ તરીકે આમંત્રિત કરવામાં આવ્યા હતા. આ કાર્યક્રમના ભાગરૂપે આયોજિત મહેફિલમાં સંગીતકાર વિશાલ શેખરે સંગીત પીરસ્યું હતું જ્યારે કાર્યક્રમનું સંચાલન સોનૂ નિગમે કર્યું હતું. આનંદ પંડિત દ્વારા નિર્મિત ફિલ્મો છેઃ ‘થેંક ગોડ’, ‘ધ બિગ બુલ’, ‘ચેહરે’, ‘ટોટલ ધમાલ’, ‘સરકાર 3’, ‘ગ્રેટ ગ્રાન્ડ મસ્તી’ વગેરે. એમણે ગયા વર્ષે એક ગુજરાતી ફિલ્મનું પણ નિર્માણ કર્યું હતું – ‘ફક્ત મહિલાઓ માટે’. ઉપરની તસવીરમાં શાહરૂખ ખાન અને યજમાન આનંદ પંડિત છે. (તસવીરકાર અને વીડિયોગ્રાફીઃ માનસ સોમપુરા)
