આમતો ચોમાસાના આગમન સાથે ગીર અને કાળીયાર અભ્યારણ્યમાં સફારી બંધ થઈ જાય પણ દેવાળીયા સફારી 
પાર્કમાં અને ગીરમાં સફારી થાય. સફારી સીવાય જો કોઈ ગીર કે કાળીયાર અભ્યારણ્ય આસપાસ ચોમાસામાં મુલાકાત લે તો એટલું આહલાદક વાતાવરણ અને કુદરતી સૌંદર્ય હોય કે લોકો હિલસ્ટેશન પણ ભૂલી જાય. પણ હા આ બંને અભ્યારણ્યમાં અસલી મજાતો અહીં ચોમાસામાં આવતા યાયાવર (માઈગ્રેટરી) અને સ્થાનિક પક્ષીઓની ફોટોગ્રાફી તેમજ વિવિધ જીવજંતુઓની મેક્રો ફોટોગ્રાફીની પડે.
ગીર અને વેળાવદર આસપાસના ખેતરો તથા આંબાવાડીઓમાં આવા પક્ષીઓ અને વિવિધ કરોળીયા, જીવજંતુ, પતંગીયા અને ફુદ્દાઓની ઘણી બધી જાતો જોવા મળે. ચોમાસામાં 3-4 દિવસ અહીં રહીને પૂર્ણ સમય ફોટોગ્રાફીને ફોકસ કરો અને ફરો તો એક સારું ફોટો પ્રદર્શન થઈ જાય.
ગુજરાતમાં ચોમાસાના આ ઓછા જાણીતા પાસાને આપણે ગુજરાતીઓ એ એકવાર તો અનુભવવું અને માણવું જ જોઈએ.
